തിരുവനന്തപുരം: കേരളത്തില് കൊവിഡ് വ്യാപനം രൂക്ഷമായി തുടരുകയാണ്. ഈ സാഹചര്യത്തില് സംസ്ഥാനത്ത് കൂടുതല് നിയന്ത്രണങ്ങള് ഏര്പ്പെടുത്തിയേക്കും. തീരുമാനം ഇന്ന് ചേരുന്ന അവലോകന യോഗത്തില് അറിയാം. കൂടുതല് നിയന്ത്രണങ്ങള് സംബന്ധിച്ച് യോഗത്തില് തീരുമാനം ഉണ്ടാകും.
സ്കൂളുകള്ക്ക് പിന്നാലെ കോളെജുകളും അടയ്ക്കുന്നത് സര്ക്കാര് പരിഗണിക്കുന്നുണ്ട്. സംസ്ഥാനത്ത് മൂന്നാം തരംഗം കുതിച്ചുയരുകയാണ്. ഏറെ നാളിന് ശേഷം ഇന്നലെ പ്രതിദിന കേസുകള് മുപ്പതിനായിരം കടന്ന് 34199ലെത്തിയത്. ടെസ്റ്റ് പോസിറ്റിവിറ്റി നിരക്ക് 37 കടന്നു.
also read: നിയന്ത്രണം വിട്ട കാര് മരത്തിലിടിച്ചു, ഒന്നരവയസ്സുകാരനും മുത്തശ്ശിയും മരിച്ചു
കഴിഞ്ഞ ഒരാഴ്ചയ്ക്കിടെ രോഗികളുടെ എണ്ണത്തില് ഉണ്ടായത് നാലിരട്ടിയോളം വര്ധന. തിരുവനന്തപുരം, എറണാകുളം, കോഴിക്കോട്, തൃശൂര് ജില്ലകളില് രോഗവ്യാപനം തീവ്രമാണ്. സ്ഥിതി ഗുരുതരമെന്നാണ് ഇന്നലെ ചേര്ന്ന മന്ത്രിസഭാ യോഗത്തിന്റെ വിലയിരുത്തല്.
കനത്ത ജാഗ്രത വേണമെന്നാണ് മുഖ്യമന്ത്രിയുടെ നിര്ദേശം. ഇതിന്റെ അടിസ്ഥാനത്തിലാകും ഇന്നത്തെ അവലോകന യോഗത്തിലെ തീരുമാനം. ഫെബ്രുവരി പകുതിക്ക് മുന്പ് രോഗവ്യാപനം പാരമ്യത്തില് എത്തുമെന്നാണ് ആരോഗ്യ വകുപ്പിന്റെ നിഗമനം. അത് മുന്നില് ക്കണ്ടുള്ള നിയന്ത്രണങ്ങളും നടപടികളും ആവശ്യമാണ്.