കണ്ണൂര്: ധര്മടത്ത് പ്ലസ്ടു വിദ്യാര്ത്ഥി ജീവനൊടുക്കി. വിഷം കഴിച്ചാണ് ധര്മടം സ്വദേശിയും എസ്.എന്. ട്രസ്റ്റ് സ്കൂള് വിദ്യാര്ത്ഥിയുമായ അദ്നാന് ആത്മഹത്യ ചെയ്തത്. കിടപ്പുമുറിയിലാണ് മരിച്ചനിലയില് കണ്ടെത്തിയത്. കുട്ടി ഏറെക്കാലമായി ഓണ്ലൈന് ഗെയിമിന് അടിമപ്പെട്ട് കഴിയുകയായിരുന്നുവെന്ന് വീട്ടുകാര് പറയുന്നു.
പതിവായി മൊബൈലില് ഗെയിം കളിച്ചിരുന്ന അദ്നാനന് നേരത്തെയും ആത്മഹത്യാപ്രവണത കാണിച്ചിരുന്നതായും റിപ്പോര്ട്ടുണ്ട്. ഒരുമാസം മുമ്പ് കൈഞരമ്പ് മുറിച്ചാണ് ജീവനൊടുക്കാന് ശ്രമിച്ചത്. ഒരുമാസമായി കുട്ടി സ്കൂളിലും പോയിരുന്നില്ല. വീട്ടിലെ മുറിക്കുള്ളില് ഒറ്റപ്പെട്ട് കഴിയുകയായിരുന്നുവെന്നും വീട്ടുകാര് പോലീസിനോട് പറഞ്ഞു.
അതേസമയം, കുട്ടിയുടെ മൊബൈല് അടിച്ചുതകര്ത്തനിലയില് കണ്ടെത്തി. ഫോണ് തകര്ത്തശേഷമായിരിക്കാം വിദ്യാര്ഥി ജീവനൊടുക്കിയതെന്നാണ് നിഗമനം. ആത്മഹത്യ ചെയ്യാനുള്ള വിഷം വാങ്ങിയതും ഓണ്ലൈന് വഴിയാണെന്നും പോലീസ് പറയുന്നു. സംഭവത്തില് പോലീസ് വിശദമായ അന്വേഷണം ആരംഭിച്ചിട്ടുണ്ട്.