തിരുവനന്തപുരം: കേരളത്തില് ഒമൈക്രോണ് ബാധിതരുടെ എണ്ണം ഉയരുന്നു. 49 പേര്ക്ക് കൂടി ഒമൈക്രോണ് സ്ഥിരീകരിച്ചതായി മന്ത്രി വീണാ ജോര്ജ് അറിയിച്ചു. ഇതോടെ ആകെ ഒമൈക്രോണ് ബാധിതരുടെ എണ്ണം 230 ആയി. ജനങ്ങള് ജാഗ്രതപാലിക്കണമെന്ന് ആരോഗ്യമന്ത്രി അറിയിച്ചു.
തൃശൂര് 10, കൊല്ലം 8, എറണാകുളം 7, മലപ്പുറം 6, ആലപ്പുഴ, പാലക്കാട് 3 വീതം, കോഴിക്കോട്, കാസര്ഗോഡ് 2 വീതം, തിരുവനന്തപുരം, പത്തനംതിട്ട, കോട്ടയം, ഇടുക്കി, കണ്ണൂര്, വയനാട് ഒന്നു വീതം എന്നിങ്ങനെയാണ് ഒമൈക്രോണ് സ്ഥിരീകരിച്ചത്.
ഇതുകൂടാതെ ഒരു തമിഴ്നാട് സ്വദേശിക്കും ഒരു കോയമ്പത്തൂര് സ്വദേശിക്കും ഒമൈക്രോണ് സ്ഥിരീകരിച്ചു. ഇതില് 32 പേര് ലോ റിസ്ക് രാജ്യങ്ങളില് നിന്നും 7 പേര് ഹൈ റിസ്ക് രാജ്യങ്ങളില് നിന്നും വന്നതാണ്. 10 പേര്ക്കാണ് സമ്പര്ക്കത്തിലൂടെ ഒമൈക്രോണ് ബാധിച്ചത്. തൃശൂര് 4, കൊല്ലം 3, മലപ്പുറം 2, എറണാകുളം 1 സമ്പര്ക്കത്തിലൂടെ ഒമൈക്രോണ് ബാധിച്ചത്.
ലോ റിസ്ക് രാജ്യങ്ങളില് നിന്നും 141 പേരും ഹൈ റിസ്ക് രാജ്യങ്ങളില് നിന്നും ആകെ 59 പേരും എത്തിയിട്ടുണ്ട്. 30 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്. ഒമൈക്രോണ് ബാധിതരുടെ എണ്ണം ഉയരുന്നത് സംസ്ഥാനത്ത് ആശങ്കയുയര്ത്തുകയാണ്.