തിരുവനന്തപുരം: പൊതുവിദ്യാഭ്യാസ വകുപ്പിന് കീഴിലുള്ള സ്ഥാപനങ്ങളില് ലാന്ഡ്ഫോണ് സംവിധാനം കാര്യക്ഷമമാക്കാന് പൊതുവിദ്യാഭ്യാസ വകുപ്പിന്റെ ഉത്തരവ്. പ്രൈമറി തലം മുതല് ഹയര് സെക്കണ്ടറി തലം വരെയുള്ള എല്ലാ സ്ഥാപനങ്ങളിലും ലാന്ഡ് ഫോണ് ഉണ്ടാകണമെന്ന് മന്ത്രി വി ശിവന്കുട്ടി നിര്ദേശം നല്കി.
കാര്യങ്ങള് അറിയാന് സ്ഥാപനങ്ങളിലേക്ക് വിളിക്കാന് പല ഓഫീസുകള്ക്കും ഫോണ് നമ്പര് ഇല്ല എന്ന പരാതിയെ തുടര്ന്ന് വിദ്യാഭ്യാസ മന്ത്രിയുടെ നിര്ദേശ പ്രകാരം പരിശോധന നടത്തിയിരുന്നു. പ്രവര്ത്തനക്ഷമമല്ലാത്ത ഫോണ് കണക്ഷനുകള് ഉണ്ടെങ്കില് അത് ശരിയാക്കിയെടുക്കാന് നടപടി വേണമെന്ന് മന്ത്രി അറിയിച്ചു.
also read: ആശ്വസിക്കാം, സ്വര്ണ്ണവില താഴേക്ക്; ഇന്നത്തെ വില ഇങ്ങനെ
അത് സാധ്യമല്ലെങ്കില് പൊതുവിദ്യാഭ്യാസ ഡയറക്ടറുടെ അനുമതിയോടെ പുതിയ കണക്ഷന് എടുക്കണമെന്നും വകുപ്പ് മന്ത്രി വി ശിവന്കുട്ടി വ്യക്തമാക്കി. ഓരോ ദിവസവും ഓഫീസിലേക്ക് വരുന്ന ഫോണ്കോളുകള് അറ്റന്ഡ് ചെയ്യാന് ഓഫീസ് മേധാവി റൊട്ടേഷന് അടിസ്ഥാനത്തില് ഓഫീസ് ജീവനക്കാര്ക്ക് ഉത്തരവ് വഴി ചുമതല നല്കണം.
ടെലിഫോണ് വഴി പരാതി ലഭിക്കുകയാണെങ്കില് അത് കൃത്യമായി രജിസ്റ്ററില് രേഖപ്പെടുത്തണം. തുടര് നടപടി രണ്ടാഴ്ചയിലൊരിക്കല് ഓഫീസ് മേധാവി വിലയിരുത്തണം. ഓഫീസ് പരിശോധനാ വേളയില് ബന്ധപ്പെട്ട അധികാരികള് രജിസ്റ്റര് നിര്ബന്ധമായും പരിശോധിക്കണമെന്നും ഉത്തരവില് പറയുന്നുണ്ട്.