പുതുപ്പള്ളി: ഉറക്കത്തില് ഭര്ത്താവിനെ ഭാര്യ കോടാലികൊണ്ട് വെട്ടിക്കൊന്ന സംഭവം കേരക്കെരയെ ഒന്നടങ്കം ഞെട്ടിച്ചിരുന്നു. കോട്ടയം ജില്ലയിലെ പുതുപ്പള്ളിയിലാണ് സംഭവം. പെരുങ്കാവ് പടനിലത്ത് മാത്യു ഏബ്രഹാമിനെ(കൊച്ച്-48)യാണ് മരിച്ച നിലയില് കണ്ടെത്തിയത്. കേസിലെ പ്രതി റോസന്നയെ പുതുപ്പള്ളി പെരുങ്കാവിലെ ഇവരുടെ വീട്ടിലെത്തിച്ച് തെളിവെടുത്തു.
ബുധനാഴ്ച രാവിലെ 11.30-ഓടെയാണ് പോലീസ് തെളിവെടുപ്പിനെത്തിച്ചത്. ചൊവ്വാഴ്ച രാവിലെയാണ് സംഭവം. കിടപ്പുമുറിയിലാണ് മാത്യുവിനെ മരിച്ച നിലയില് കണ്ടെത്തിയത്. കൊലനടത്തിയ ശേഷം വീട്ടില്നിന്നുപോയ മാത്യുവിന്റെ ഭാര്യ റോസന്നയെ മണര്കാട്ടുനിന്നാണ് പോലീസ് പിടിച്ചത്.
വീട്ടില് വഴക്ക് പതിവായിരുന്നുവെന്ന് റോസന്ന പോലീസിന് മൊഴി നല്കിയിട്ടുണ്ട്. മദ്യപാനത്തിനും ദുര്നടപ്പിനും പുറമേ സ്വന്തം വീട്ടിലേക്കാള് സഹോദരന്റെ വീട്ടിലേക്ക് മാത്യു സഹായങ്ങള് ചെയ്തുകൊടുത്തിരുന്നുവെന്നുമുള്ള ആക്ഷേപങ്ങളാണ് റോസന്ന പോലീസിനോടു പറഞ്ഞത്.
ഇതുമൂലം നാളുകളായി ഭര്ത്താവിനോട് വൈരാഗ്യത്തിലായിരുന്നു. വഴക്കിട്ട് മൂന്നുദിവസമായി വീട്ടില് ആഹാരം വെച്ചിരുന്നില്ല. ഈ സമയം സഹോദരന്റെ വീട്ടില്നിന്ന് ആഹാരം കൊണ്ടുവന്ന് മകനും ഭര്ത്താവും കഴിക്കും. സംഭവദിവസം രാത്രി ബിരിയാണി കൊണ്ടുവന്ന് റോസന്നയ്ക്ക് നല്കാതെ ഇരുവരും കഴിച്ചു.
മിച്ചമുണ്ടായിരുന്ന ബിരിയാണി സമീപത്തുള്ള സഹോദരന്റെ വീട്ടിലേക്ക് നല്കിയതാണ് പെട്ടെന്നുള്ള പ്രകോപനത്തിന് കാരണമായതെന്ന് റോസന്ന പോലീസിനോട് പറഞ്ഞു. റോസന്നയെ കോടതിയില് ഹാജരാക്കി റിമാന്ഡുചെയ്തു.