തന്റെ കൈയ്യും പിടിച്ച് ലോകം കാണാനിറങ്ങാറുള്ള പ്രിയതമന്റെ മരണം മോഹനയെ തളര്ത്തിയിരുന്നു. ലോകസഞ്ചാരി കെആര് വിജയന്റെ മരണത്തോടെ അടഞ്ഞുകിട ശ്രീ ബാലാജി കോഫി ഹൗസിലേക്ക് ഇപ്പോള് വീണ്ടുമെത്തിയിരിക്കുകയാണ് ഭാര്യ മോഹന.
വിജയന്റെ കൈപിടിച്ചുകൊണ്ടുള്ള യാത്രകള് നല്കിയ ആത്മവിശ്വാസവും കരുത്തും ചെറുതായിരുന്നില്ല മോഹനക്ക്. പതിയെ യാത്രകളെ തിരിച്ചുപിടിക്കണമെന്നാണ് ആഗ്രഹം. വിജയന് ബാക്കിവെച്ച ജപ്പാന് യാത്ര പൂര്ത്തിയാക്കണം. ‘അദ്ദേഹമില്ലാതെ ഞാന് എവിടേയും പോയില്ലെങ്കിലും ആരോഗ്യമുണ്ടെങ്കില് യാത്ര തുടരണം.’ മോഹന പറഞ്ഞു. കുടുംബാംഗങ്ങള്ക്കൊപ്പം യാത്ര തുടരാനാണ് നിലവിലെ പദ്ധതി.
also read: മട്ടന്നൂരില് നിയന്ത്രണം വിട്ട ലോറി കടയിലേയ്ക്ക് ഇടിച്ചുകയറി; രണ്ട് പേര്ക്ക് ദാരുണാന്ത്യം
മോഹനക്കൊപ്പം റഷ്യന് യാത്ര കഴിഞ്ഞെത്തിയതിന് പിന്നാലെയായിരുന്നു വിജയന്റെ വിയോഗം. അദ്ദേഹത്തിന്റെ മരണശേഷം നിരവധി പേര് മോഹനയെ യാത്രക്കൊപ്പം വിളിച്ചെങ്കിലും പോകാന് കൂട്ടാക്കിയിരുന്നില്ല. നിലവില് ഇളയ മകള് ഉഷയും ഭര്ത്താവ് മുരളീധര പൈയുമാണ് കടയിലുള്ളത്.
മുമ്പ് അച്ഛന്റെ കൂടിയിരുന്ന് ഈ പണികളെല്ലാം വശത്താക്കിയതിനാല് കടയുടെ മുന്നോട്ട് പോക്ക് കാര്യങ്ങള് എളുപ്പമാക്കി. നവംബര് 19 ന് ഹൃദയാഘാതത്തെ തുടര്ന്നാണ് വിജയന് മരണപ്പെട്ടത്. പതിനാറ് വര്ഷം കൊണ്ട് 26 രാജ്യങ്ങളിലാണ് വിജയനും മോഹനയും സന്ദര്ശിച്ചത്. ചായക്കടയില് നിന്നും ലഭിക്കുന്ന വരുമാനത്തിലൂടെയാണ് ഇരുവരും ലോക സഞ്ചാരം നടത്തിയിരുന്നത്.