തൃശൂര്; നോറോ വൈറസ് പടര്ന്നു. തൃശൂരിലെ സെന്റ് മേരീസ് കോളേജ് ഹോസ്റ്റലിലെ 52 വിദ്യാര്ത്ഥിനികള്ക്കാണ് രോഗം സ്ഥിരീകരിച്ചത്. ആലപ്പുഴ വൈറോളജി ലാബില് നടത്തിയ പരിശോധനയിലാണ് വൈറസ് ബാധ സ്ഥിരീകരിച്ചത്. മലിനമായ ജലത്തിലൂടെയും ഭക്ഷണത്തിലൂടെയുമാണ് രോഗം പകരുന്നത്.
ഹോസ്റ്റലിലെ കുടിവെള്ളത്തില് നിന്നാണ് വൈറസ് പകര്ന്നതാണെന്നാണ് പ്രാഥമിക നിഗമനം. വൈറസ് ബാധ സ്ഥിരീകരിച്ച വിദ്യാര്ഥികളുടെ ആരോഗ്യനില തൃപ്തികരമാണെന്ന് അധികൃതര് അറിയിച്ചു. ദിവസങ്ങള്ക്കു മുമ്പ് ഹോസ്റ്റലിലെ ഒരു വിദ്യാര്ഥിക്ക് രോഗലക്ഷണങ്ങളുണ്ടായതിനെ തുടര്ന്ന് ജനറല് ആശുപത്രിയില് പ്രവേശിപ്പിച്ചിരുന്നു.
പിന്നീട് മറ്റു വിദ്യാര്ഥികളിലും രോഗലക്ഷണങ്ങള് കണ്ടതിനെ തുടര്ന്നാണ് വൈറോളജി ലാബിലേക്ക് സാമ്പിള് പരിശോധനക്ക് അയച്ചത്. വയറിളക്കം, വയറുവേദന, ഛര്ദി, പനി, തലവേദന, ശരീരവേദന തുടങ്ങിയവയാണ് നോറോ വൈറസ് രോഗലക്ഷണങ്ങള്. ആരോഗ്യമുള്ളവരെ നോറോ വൈറസ് കാര്യമായി ബാധിക്കില്ലെങ്കിലും ചെറിയ കുട്ടികള്, പ്രായമായവര്, മറ്റ് അനുബന്ധ രോഗങ്ങളുള്ളവര് എന്നിവരെ ബാധിച്ചാല് ഗുരുതരമാകാന് സാധ്യതയുണ്ട്.