തിരുവനന്തപുരം: കേരളത്തില് അടുത്ത 5 ദിവസം പരക്കെ മഴ പെയ്യാന് സാധ്യതയെന്ന് കാലാവസ്ഥ വകുപ്പിന്റെ മുന്നറിയിപ്പ്. തെക്ക് പടിഞ്ഞാറന് ബംഗാള് ഉള്ക്കടലില് അടുത്ത 12 മണിക്കൂറിനുള്ളില് പുതിയ ന്യൂനമര്ദ്ദം രൂപപ്പെടാന് സാധ്യതയുണ്ട്. ന്യൂനമര്ദ്ദത്തിന്റെ സ്വാധീനഫലമായാണ് കേരളത്തില് മഴ ലഭിക്കുക.
പടിഞ്ഞാറു – വടക്ക് പടിഞ്ഞാറു ദിശയില് സഞ്ചാരിക്കുന്ന ന്യൂനമര്ദ്ദം ശ്രീലങ്ക, തെക്കന് തമിഴ്നാട് തീരത്തേക്ക് നീങ്ങാന് സാധ്യതയെന്നും കേന്ദ്ര കാലാവസ്ഥ വകുപ്പിന്റെ മുന്നറിയിപ്പില് പറയുന്നു. നവംബര് 25മുതല് 29 വരെ ഒറ്റപെട്ട ശക്തമായ മഴയ്ക്കും സാധ്യതയുണ്ട്.
അതിനാല് ജാഗ്രത തുടരണമെന്നും കേന്ദ്ര കാലാവസ്ഥ വകുപ്പ് അറിയിച്ചു. വ്യാഴാഴ്ച കോഴിക്കോട്, കണ്ണൂര്, കാസര്കോട് ജില്ലകള് ഒഴികെയുള്ള ഇടങ്ങളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. വെള്ളിയാഴ്ചയും സമാനമായ ജാഗ്രതാനിര്ദേശമാണ് നല്കിയിരിക്കുന്നത്. ശനിയാഴ്ചയും ഞായറാഴ്ചയും 11 ജില്ലകള്ക്ക് പുറമേ കോഴിക്കോട്ടും മഴ ലഭിക്കുമെന്നാണ് കാലാവസ്ഥ വകുപ്പിന്റെ മുന്നറിയിപ്പില് പറയുന്നത്.