തിരുവനന്തപുരം: തിരുവനന്തപുരം ജില്ലയില് കനത്തമഴ തുടരുകയാണ്. വിഴിഞ്ഞത്ത് ഗംഗയാര് തോട് കരകവിഞ്ഞ് സമീപത്തെ കടകളില് വെള്ളം കയറി. വാമനപുരം നദിയിലെ ജലനിരപ്പ് ഉയരുന്നു. വിതുര, പൊന്മുടി, പാലോട്, നെടുമങ്ങാട് എന്നിവിടങ്ങളില് കനത്ത മഴയാണ്.
പെരിങ്ങമലയില് കിണര് ഇടിഞ്ഞുതാണു. കോവളം വാഴമുട്ടത്ത് വീടുകള്ക്ക് മുകളില് മണ്ണിടിഞ്ഞു. നെയ്യാറ്റിന്കര ടിബി ജംക്ഷനല് ദേശീയപാതയിലെ പാലത്തിന്റെ ഒരു ഭാഗം തകര്ന്നു. ഗതാഗതം ഭാഗികമായി തടസപ്പെടും. സംസ്ഥാനത്ത് വരുംദിവസങ്ങളിലും മഴ തുടരുമെന്നാണ് കാലാവസ്ഥ വകുപ്പ് അറിയിച്ചത്.
അഞ്ചു ജില്ലകളില് ഓറഞ്ച് അലര്ട്ടും ഒന്പത് ജില്ലകളില് യെലോ അലര്ട്ടും പ്രഖ്യാപിച്ചു. പത്തനംതിട്ട കോട്ടയം ഇടുക്കി ആലപ്പുഴ എറണാകുളം ജില്ലകളിലാണ് ഓറഞ്ച് അലര്ട്ട് നല്കിയിട്ടുള്ളത്. മണിക്കൂറില് 50 കിലോമീറ്റര് വരെ വേഗതയുള്ള കാറ്റിന് സാധ്യതയുണ്ട്.
കടല്പ്രക്ഷുബ്ധമാണ്. മത്സ്യ തൊഴിലാളികള് കടലില് പോകരുതെന്ന മുന്നറിയിപ്പുണ്ട്. ചൊവ്വാഴ്ച വരെ സംസ്ഥാനത്ത് പരക്കെ മഴകിട്ടും. ബംഗാള് ഉള്ക്കടലിലും അറബിക്കടലിലും രൂപമെടുക്കുന്ന ന്യൂനമര്ദങ്ങള് വരും മണിക്കൂറുകളില് കൂടുതല് ശക്തിപ്പെടുമെന്നും കാലാവസ്ഥാ വകുപ്പ് അറിയിച്ചു.