തിരുവനന്തപുരം: കേരളത്തില് ഇന്നും നാളെയും കനത്ത മഴയ്ക്കു സാധ്യതയെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. അഞ്ച് ജില്ലകളില് ഇന്ന് ഓറഞ്ച് അലേര്ട്ട് പ്രഖ്യാപിച്ചു. ഇടുക്കി, കോട്ടയം, ആലപ്പുഴ, പത്തനംതിട്ട, കൊല്ലം ജില്ലകളിലാണ് ഇന്ന് ഓറഞ്ച് അലേര്ട്ട് പ്രഖ്യാപിച്ചത്.
മറ്റു ജില്ലകളില് യെലോ അലര്ട്ടും പ്രഖ്യാപിച്ചു. നാളെ ഇടുക്കി, എറണാകുളം, കോട്ടയം, ആലപ്പുഴ, പത്തനംതിട്ട ജില്ലകളില് ഓറഞ്ച് അലര്ട്ടും മറ്റു ജില്ലകളില് യെലോ അലര്ട്ടും നല്കിയിട്ടുണ്ട്. 15നും 16നും പരക്കെ മഴ തുടരും. കേരള തീരത്ത് മത്സ്യബന്ധനത്തിനു പോകരുതെന്ന് മത്സ്യത്തൊഴിലാളികള്ക്ക് മുന്നറിയിപ്പുണ്ട്.
കേരളത്തില് കാറ്റിനും ഇടിമിന്നലിനും സാധ്യതയുണ്ട്. അറബിക്കടലിലും ബംഗാള് ഉള്ക്കടലിലും വരും ദിവസങ്ങളില് പുതിയ ന്യൂനമര്ദങ്ങള്ക്കു സാധ്യതയുണ്ട്. ബംഗാള് ഉള്ക്കടലില് ഇന്നു രൂപം കൊള്ളുന്ന ന്യൂനമര്ദം ചുഴലിക്കാറ്റായി മാറി ആന്ധ്ര തീരത്തു കയറുമെന്നാണു വിലയിരുത്തല്.