തിരുവനന്തപുരം: സംസ്ഥാനത്ത് പ്രഖ്യാപിച്ച മഴ മുന്നറിയിപ്പില് മാറ്റം. അഞ്ചു ജില്ലകളില് പുറപ്പെടുവിച്ചിരുന്ന ഓറഞ്ച് അലേര്ട്ട് പിന്വലിച്ചു. അതേസമയം, ഒറ്റപ്പെട്ടയിടങ്ങളില് അതിശക്തമായ മഴയ്ക്കും സാധ്യതയുണ്ട്. കാസര്കോട് ഒഴികെ 13 ജില്ലകളിലും യെല്ലോ അലര്ട്ട് പുറപ്പെടുവിച്ചിട്ടുണ്ട്.
ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്നാണ് അറിയിപ്പ്. തെക്ക് പടിഞ്ഞാറന് ബംഗാള് ഉള്ക്കടലിലെ ന്യുന മര്ദ്ദം പടിഞ്ഞാറു ദിശയില് സഞ്ചരിച്ച് നിലവില് ശ്രീലങ്കക്ക് മുകളിലും തമിഴ്നാട് തീരത്തിനും സമീപമായി സ്ഥിതി ചെയ്യുകയാണ്.
അടുത്ത 34 ദിവസം പടിഞ്ഞാറു ദിശയിലുള്ള സഞ്ചാരം തുടരാനാണ് സാധ്യത. ന്യുന മര്ദ സ്വാധീനഫലമായി കേരളത്തില് ഇടിമിന്നലൊടു കൂടിയ മഴ നവംബര് 4 വരെ തുടര്ന്നേക്കുമെന്നും കേന്ദ്ര കാലാവസ്ഥ വകുപ്പ് അറിയിച്ചു. ഒക്ടോബര് 31 മുതല് നവംബര് 2 വരെ ഒറ്റപ്പെട്ട സ്ഥലങ്ങളില് അതി ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു