തിരുവനന്തപുരം: സംസ്ഥാനത്ത് ഞായറാഴ്ച വരെ കനത്ത മഴയ്ക്ക് സാധ്യതയെന്ന് മുന്നറിയിപ്പ്. ബംഗാള് ഉള്ക്കടലില് രൂപംകൊണ്ട ന്യൂനമര്ദത്തെത്തുടര്ന്നാണ് മഴ ശക്തമാകുന്നത്. നിലവില് ശ്രീലങ്കന് തീരത്തുള്ള ന്യൂനമര്ദം രണ്ടു ദിവസത്തിന് ശേഷം തെക്കന് കേരള തീരത്തുകൂടി സഞ്ചരിക്കാന് സാധ്യതയുണ്ടെന്നാണ് വിലയിരുത്തല്.
ഇന്ന് ആറു ജില്ലകളില് ഓറഞ്ച് അലര്ട്ട് പുറപ്പെടുവിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലാണ് ഓറഞ്ച് അലര്ട്ട്. ആറു ജില്ലകളില് യെല്ലോ അലര്ട്ടും പുറപ്പെടുവിച്ചിട്ടുണ്ട്. എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് മഞ്ഞ ജാഗ്രതാ നിര്ദേശം പ്രഖ്യാപിച്ചത്.
നാളെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. ഞായറാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂര്, പാലക്കാട് ജില്ലകളിലും യെല്ലോ അലര്ട്ടുണ്ട്.
അതേസമയം, മത്സ്യത്തൊഴിലാളികള്ക്ക് മുന്നറിയിപ്പുണ്ട്. ഈ മാസം 31 വരെ കടലില് മീന്പിടിക്കാന് പോകരുതെന്ന് മത്സ്യത്തൊഴിലാളികള്ക്ക് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്.