കോഴിക്കോട്: കൊല്ലം അഞ്ചലിലെ ഉത്രവധക്കേസില് പ്രതിക്ക് തൂക്കുകയര് ലഭിക്കാന് സര്ക്കാര് അപ്പീലിന് പോകണമെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. ഇന്ത്യന് കുറ്റാന്വേഷണ ചരിത്രത്തിലെ അപൂര്വ്വങ്ങളില് അപൂര്വ്വമായ കേസ് എന്ന് വിലയിരുത്തപ്പെട്ട ഉത്ര വധക്കേസില് പ്രതിയായ സൂരജിന് വധശിക്ഷ തന്നെ ലഭിക്കേണ്ടതാണ്.
രാജ്യത്ത കുറ്റാന്വേഷണ ചരിത്രത്തില് തന്നെ സവിശേഷ പ്രധാന്യമുള്ള കേസാണിതെന്നും സുരേന്ദ്രന് മാധ്യമങ്ങളോട് പറഞ്ഞു. ഐപിഎസ് ട്രെയിനിങ്ങിന്റെ ഭാഗമായി പഠിക്കാനുള്ള കേസുകളുടെ പട്ടികയില് ഉത്ര കേസുണ്ടെന്നും സുരേന്ദ്രന് കൂട്ടിച്ചേര്ത്തു.
വധശിക്ഷ നല്കേണ്ട അപൂര്വ്വങ്ങളില് അപൂര്വ്വമായ കേസാണിതെന്ന് കോടതിയുടെ വിധിയിലും പറയുന്നുണ്ട്. കേരളത്തിലെ പെണ്കുട്ടികള് സുരക്ഷിതരായിരിക്കാന് ഈ കേസില് മാതൃകാപരമായ ശിക്ഷ പ്രതിക്ക് കിട്ടേണ്ടതുണ്ട്. സമൂഹത്തിന് കൃത്യമായ സന്ദേശം നല്കുന്ന വിധിയായിരിക്കണം ഉണ്ടാകേണ്ടതെന്നാണ് ബിജെപിയുടെ ആഗ്രഹമെന്നും സുരേന്ദ്രന് കൂട്ടിച്ചേര്ത്തു.