കൊല്ലം: : കേരളത്തെ ഒന്നടങ്കം നടുക്കിയ കൊലപാതകമായിരുന്നു കൊല്ലം അഞ്ചല് സ്വദേശിനി ഉത്രയുടേത്. ഉത്രയെ പാമ്പിനെ ഉപയോഗിച്ച് കടിപ്പിച്ചു കൊന്ന കേസില് ഭര്ത്താവ് സൂരജിനുള്ള ശിക്ഷ കോടതി ഇന്ന് പ്രസ്താവിക്കും. കൊല്ലം ജില്ലാ അഡീഷണല് സെഷന്സ് കോടതിയാണ് വിധി പ്രസ്താവിക്കുക.
ഇന്ന് രാവിലെ 11 നാണ് കേരളം കാത്തിരുന്ന വിധി പ്രസ്താവം. ഉത്ര കൊലപാതകക്കേസില് പ്രതി സൂരജ് കുറ്റക്കാരനാണെന്ന് കോടതി തിങ്കളാഴ്ച കണ്ടെത്തിയിരുന്നു. നാല് വകുപ്പുകള് അനുസരിച്ച് സൂരജ് കുറ്റക്കാരനാണെന്നാണ് കോടതി പ്രസ്താവിച്ചത്.
അപൂര്വ്വങ്ങളില് അപൂര്വ്വമായി പരിഗണിക്കാന് വേണ്ട സാഹചര്യ തെളിവുകള് കേസിനുണ്ടെന്ന നിരീക്ഷണത്തോടെയാണ് സൂരജിനെ കോടതി കുറ്റക്കാരനായി പ്രഖ്യാപിച്ചത്. വിചിത്രവും പൈശാചികവുമായ കൊല ചെയ്ത പ്രതിക്ക് വധശിക്ഷ തന്നെ നല്കണമെന്ന് പ്രോസിക്യൂഷന് വാദിച്ചു.