കോട്ടയം: പാലാ സെന്റ് തോമസ് കോളജ് വിദ്യാര്ഥിനി നിതിന മോളെ സഹപാഠി കൊലപ്പെടുത്തിയ സംഭവം ഞെട്ടലോടെയാണ് കേരളക്കര കേട്ടത്. കൊലപാതകം ആസൂത്രിതമെന്ന് പൊലീസ് പറയുന്നു. നിതിനയെ കൊലപ്പെടുത്താന് ബ്ലേഡ് വാങ്ങിയെന്ന് പ്രതി അഭിഷേക് മൊഴി നല്കി.
പെണ്കുട്ടിയുടെ അമ്മയ്ക്കും പ്രതി ഭീഷണി സന്ദേശം അയച്ചിരുന്നു. നിതിനയെ കൊലപ്പെടുത്തുക ലക്ഷ്യമിട്ട് ബ്ലേഡ് വാങ്ങിയെന്ന പ്രതിയുടെ മൊഴിയുടെ അടിസ്ഥാനത്തില് ബ്ലേഡ് വാങ്ങിയതായി പറയുന്ന കടയില് ഉള്പ്പെടെ പൊലീസ് തെളിവെടുപ്പ് നടത്തും.
കുത്താട്ടുകുളത്തെ കടയില് നിന്നും ഒരാഴ്ച മുന്പാണ് ബ്ലേഡ് വാങ്ങിയത്. പ്രതിയുമായി സെന്റ് തോമസ് കോളജില് എത്തിയും തെളിവെടുപ്പ് നടത്തും. പ്രതിയെ ഒരു ദിവസത്തേക്ക് കസ്റ്റഡിയില് വാങ്ങാനാണ് പൊലീസ് തീരുമാനം.
അഭിഷേകിന്റെ അറസ്റ്റ് വെള്ളിയാഴ്ച രേഖപ്പെടുത്തിയിരുന്നു.
ഇന്ന് തെളിവെടുപ്പ് നടത്തിയതിന് ശേഷം പ്രതിയെ കോടതിയില് ഹാജരാക്കും. വെള്ളിയാഴ്ച രാവിലെ പതിനൊന്നരയോടെയാണ് പാലാ സെന്റ് തോമസ് കോളജില് നാടിനെ നടുക്കിയ കൊലപാതകം നടന്നത്. അവസാനവര്ഷ ഫുഡ് ടെക്നോളജി പരീക്ഷ എഴുതാന് എത്തിയതായിരുന്നു നിതിന മോളും അഭിഷേക് ബൈജുവും.