കണ്ണൂര്: യുവാവിനെ ഷെഡില് തൂങ്ങിമരിച്ച നിലയില് കണ്ടെത്തി. കേളകം സ്വദേശി അഭിനന്ദ് നാഥ് ആണ് മരിച്ചത്. സംരംഭം തുടങ്ങാന് വായ്പ ലഭിക്കില്ലെന്നറിഞ്ഞതില് മനംനൊന്താണ് ആത്മഹത്യ. ഇന്നലെ രാവിലെ അഞ്ച് മണിയോടെയാണ് അഭിനന്ദിനെ മരിച്ചനിലയില് കണ്ടെത്തിയത്.
സംരംഭത്തിനായി വീടിനോട് ചേര്ന്ന് നിര്മിച്ച ഷെഡിലാണ് അഭിനന്ദിനെ തൂങ്ങിമരിച്ച നിലയില് കണ്ടെത്തിയത്. സംരംഭം തുടങ്ങാനുള്ള വായ്പ ലഭിക്കാന് സാധ്യതയില്ലാതായതോടെയാണ് ആത്മഹത്യ. കമ്പിവേലി നിര്മാണ യൂണിറ്റ് തുടങ്ങാനായിരുന്നു അഭിനന്ദിന്റെ പദ്ധതി.
കേളകത്തെ ദേശസാത്കൃത ബാങ്കിനെ വായ്പയ്ക്കായി സമീപിച്ചപ്പോള് നല്കാമെന്നറിയിച്ചിരുന്നതിനാല് അഭിനന്ദ് പ്രതീക്ഷയിലായിരുന്നു. എന്നാല് പ്രതീക്ഷകള് നശിച്ചതായി വീട്ടുകാരോടും സുഹൃത്തുക്കളോടും അഭിനന്ദ് കഴിഞ്ഞ ദിവസങ്ങളില് സൂചിപ്പിച്ചിരുന്നു.
പൂതവേലില് ജഗന്നാഥന്റെയും നളിനിയുടെയും മകനാണ്. ഭാര്യ: വൃന്ദ. ഫെബ്രുവരിയിലായിരുന്നു അഭിനന്ദിന്റെ വിവാഹം.