കൊല്ലം: കൊവിഡ് ഭീതിയില് വിദ്യാര്ത്ഥി ജീവനൊടുക്കി. കൊല്ലം പുനലൂരിനടുത്ത് തൊളിക്കോട്ട് ഇന്നലെ പുലര്ച്ചെയാണ് യുവാവിനെ തൂങ്ങി മരിച്ച നിലയില് കണ്ടെത്തിയത്. തൊളിക്കോട് സ്വദേശി സജികുമാര് രാജി ദമ്പതികളുടെ മകന് വിശ്വ കുമാറാണ് ആത്മഹത്യ ചെയ്തത്. 20 വയസായിരുന്നു.
സഹോദരന് കൊവിഡ് ബാധിച്ചതിനെ തുടര്ന്ന് നിരീക്ഷണത്തില് കഴിയുകയായിരുന്നു വിശ്വ കുമാര്. കൊവിഡ് ഭീതി മൂലമാണ് ജീവനൊടുക്കുന്നതെന്ന് മൊബൈല് ഫോണില് യുവാവ് എഴുതി വച്ച കുറിപ്പ് കണ്ടെടുത്തതായി പോലീസ് പറഞ്ഞു.