തിരുവനന്തപുരം: ലേഡി സൂപ്പര് സ്റ്റാര് മഞ്ജുവാര്യര് സാക്ഷരതാമിഷന്റെ ഗുഡ്വില് അംബാസിഡറാകും. പല കാരണങ്ങളാല് വിദ്യാഭ്യാസം നേടാന് ഭാഗ്യം ലഭിക്കാതെ പോയവര്ക്ക് അക്ഷരത്തിന്റെ വെളിച്ചമൊരുക്കുകയാണ് സാക്ഷരതാമിഷന് ചെയ്യുന്നത്.
പാര്ശ്വവല്ക്കരിക്കപ്പെട്ട നിരവധി മനുഷ്യരെ മുഖ്യധാരയിലേക്ക് കൊണ്ടുവരാന് സാക്ഷരതാമിഷന്റെ പ്രവര്ത്തനങ്ങള്ക്ക് സാധിക്കുന്നുവെന്ന് കരുതുന്നതായി മഞ്ജുവാര്യര് പറഞ്ഞു. ഔദ്യോഗികമായി സമ്പൂര്ണ്ണ സാക്ഷരത നേടിയെങ്കിലും സംസ്ഥാനത്തിന്റെ പല ഭാഗത്തും നിരക്ഷരത നിലനില്ക്കുന്നുണ്ടെന്ന് മനസിലാക്കി സാക്ഷരതാമിഷന് അതോറിറ്റിയുടെ നേതൃത്വത്തില് നടത്തി വരുന്ന എല്ലാ പ്രവര്ത്തനങ്ങള്ക്കും തന്റെ പൂര്ണ പിന്തുണയുണ്ടാകുമെന്നും മഞ്ജു പറഞ്ഞു.
സമാനമായ നിരവധി പ്രവര്ത്തനങ്ങള് നടത്തുന്ന സാക്ഷരതാമിഷന്റെ ഗുഡ്വില് അംബാസിഡറാകുന്നതില് അഭിമാനമുണ്ട്. സന്നദ്ധ പ്രവര്ത്തനം എന്ന നിലയിലും പ്രതിഫലം പറ്റാതെയുമായിരിക്കും സാക്ഷരതാമിഷന്റെ ഗുഡ്വില് അംബാസിഡറാകുകയെന്ന് മഞ്ജുവാര്യര് പറഞ്ഞു. അക്ഷര ജ്ഞാനം പൗരന്റെ അവകാശമാണെന്ന് തിരിച്ചറിഞ്ഞുള്ള സാക്ഷരതാമിഷന്റെ പ്രവര്ത്തനങ്ങള് പ്രശംസനീയമാണെന്നും മഞ്ജു കൂട്ടിച്ചേര്ത്തു.