കൊച്ചി: അച്ഛന് മകനെ വെട്ടിക്കൊന്നു. എറണാകുളം ഉദയംപേരൂരിലാണ് കൊലപാതകം നടന്നത്. എംഎല്എ റോഡിലെ താമസക്കാരനായ ഞാറ്റിയില് സന്തോഷാണ് മരിച്ചത്. സംഭവത്തില് സന്തോഷിന്റെ അച്ഛനായ സോമനെ പോലീസ് കസ്റ്റഡിയിലെടുത്തു.
ഇവര് രണ്ട് പേര് മാത്രമാണ് ഈ വീട്ടില് താമസിച്ചിരുന്നത്. കാന്സര് രോഗിയാണ് സോമന്. മകന് സ്ഥിരമായി മദ്യപിച്ചെത്തി സ്ഥിരം മര്ദ്ദിക്കുന്നതിനാല് കുറേ നാളുകളായി സോമന് മകളുടെ വീട്ടിലായിരുന്നു. ഈയിടെയാണ് സ്വന്തം വീട്ടിലേയ്ക്ക് മടങ്ങിയെത്തിയത്.
പിന്നാലെ, ഇന്നലെ ഉച്ചയോടെ മദ്യപിച്ച് വീട്ടിലെത്തിയ സന്തോഷ് തന്നെ മര്ദ്ദിച്ചതായി സോമന് പറയുന്നു. ഇരുവരും തമ്മില് വഴക്ക് പതിവായതിനാല് അയല്വാസികള് അന്വേഷിച്ചതുമില്ല. രാത്രി 12 മണിയോടെയാണ് കൊലപാതകം നടക്കുന്നത്. കത്തിയെടുത്ത് സോമന്, സന്തോഷിനെ കുത്തുകയായിരുന്നു. അയല്വാസികള് എത്തിയപ്പോള് കുത്തേറ്റ് കിടക്കുന്ന സന്തോഷിനെയാണ് കണ്ടത്.