തിരുവനന്തപുരം: സംസ്ഥാനത്ത് ശക്തമായ മഴ തുരുന്നു. അഞ്ച് ജില്ലകളില് ഇന്ന് കേന്ദ്ര കാലാവസ്ഥാ വകുപ്പ് യെല്ലോ അലേര്ട്ട് പ്രഖ്യാപിച്ചു. കാസര്കോട്, കണ്ണൂര്, മലപ്പുറം, കോഴിക്കോട്, വയനാട് ജില്ലകളിലാണ് ഇന്ന് യെല്ലോ അലേര്ട്ട് പ്രഖ്യാപിച്ചിരിക്കുന്നത്.
കാലവര്ഷത്തെ തുടര്ന്ന് മഴ സജീവമായി തുടരുന്ന പശ്ചാത്തലത്തിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്. യെല്ലോ അലേര്ട് പ്രഖ്യാപിച്ച ജില്ലകളില് ഒറ്റപ്പെട്ട ശക്തമായ മഴയ്ക്കുള്ള സാധ്യതയെന്നാണ് പ്രവചനം. 18ന് കണ്ണൂര്, കാസര്കോട് ജില്ലകളിലും യെല്ലോ അലേര്ട്ടുണ്ട് പ്രഖ്യാപിച്ചിട്ടുണ്ട്.
ഉയര്ന്ന തിരമാലയുണ്ടാവാന് സാധ്യതയുണ്ടെന്നും ജാഗ്രത പാലിക്കണമെന്നും നിര്ദേശമുണ്ട്. കേരള തീരത്ത് ജൂണ് 17 രാത്രി 11.30 വരെ 3 മുതല് 4 മീറ്റര് വരെ ഉയരത്തില് തിരമാലക്കും കടലാക്രമണത്തിനും സാധ്യതയുണ്ടെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു. മല്സ്യത്തൊഴിലാളികളും തീരദേശവാസികളും ജാഗ്രത തുടരണം.