തിരുവനന്തപുരം: ക്ഷേത്രങ്ങളിലെ ആര്എസ്എസ് ശാഖ പ്രവര്ത്തനങ്ങള്ക്ക് വിലക്ക്. ഇത് സംബന്ധിച്ച് തിരുവിതാംകുര് ദേവസ്വം ബോര്ഡ് സര്ക്കുലര് പുറത്തിറക്കി. ആചാരങ്ങള്ക്ക് അനുസരിച്ചല്ലാതെയുള്ള ആയുധ പരിശീലനമോ മാസ് ഡ്രില്ലുകളോ പാടില്ലെന്നും ദേവസ്വം ബോര്ഡ് പുറത്തിറക്കിയ സര്ക്കുലറില് പറയുന്നുണ്ട്.
ആര്എസ്എസ് ശാഖകളുടെ മാസ് ഡ്രില്ലും ആയുധം ഉപയോഗിച്ചോ അല്ലാതെയോ ഉള്ള കായിക പരിശീലനത്തിനും വിലക്കേര്പ്പെടുത്തിയിട്ടുണ്ട്. തിരുവിതാംകൂര് ദേവസ്വം ബോര്ഡ് കമ്മീഷണര് ആണ് ശാഖ പ്രവര്ത്തനങ്ങള്ക്ക് വിലക്ക് ഏര്പ്പെടുത്തി സര്ക്കുലര് പുറപ്പെടുവിച്ചിരിക്കുന്നത്.
ആയിരത്തി ഇരുന്നൂറ്റി നാല്പ്പതോളം ക്ഷേത്രങ്ങളാണ് തിരുവിതാംകൂര് ദേവസ്വത്തിന് കീഴിലുള്ളത്. ശാഖാപ്രവര്ത്തനമോ മാസ് ഡ്രില്ലോ നടക്കുന്നതായി ശ്രദ്ധയില് പെട്ടാല് അത് തടയുന്നതിനുള്ള നടപടികള് ക്ഷേത്രം ജീവനക്കാര് സ്വീകരിക്കണമെന്ന് സര്ക്കുലറില് പറയുന്നു.
കൂടാതെ സംഭവം കമ്മീഷണറുടെ ഓഫീസില് അറിയിക്കണമെന്നും സര്ക്കുലറിലുണ്ട്. ഇക്കാര്യത്തില് ജീവനക്കാര് വീഴ്ച വരുത്തുന്ന പക്ഷം വകുപ്പുതല നടപടികള് സ്വീകരിക്കുമെന്നും സര്ക്കുലറില് പറയുന്നു.