കൊച്ചി: സംസ്ഥാനത്ത് സ്വര്ണ വില വീണ്ടും താഴേക്ക്. ഇന്ന് പവന് 120 രൂപയാണ് കുറഞ്ഞത്. ഇതോടെ ഒരു പവന് സ്വര്ണത്തിന്റെ വില 33,520 രൂപയായി. ഗ്രാം വില 15 രൂപ കുറഞ്ഞ് 4190രൂപയില് എത്തി. കഴിഞ്ഞ രണ്ടു ദിവസമായി സ്വര്ണവില മാറ്റമില്ലാതെ തുടരുകയായിരുന്നു.
ശനിയാഴ്ചത്തെ വില 33,800 രൂപ ആയിരുന്നു. രണ്ടുദിവസത്തിനിടെ 280 രൂപയാണ് സ്വര്ണവിലയില് കുറഞ്ഞത്. സംസ്ഥാനത്ത് സ്വര്ണ വില ഏതാനും ആഴ്ചകളായി ചാഞ്ചാട്ടത്തിലാണ്. മാസത്തിന്റെ തുടക്കത്തില് 34,440ല് എത്തിയ വില നാലു ദിവസം പിന്നിട്ടപ്പോഴേക്കും മാസത്തെ കുറഞ്ഞ നിരക്കില് എത്തി.
33,160 രൂപയായിരുന്നു സ്വര്ണവില. തുടര്ന്നുള്ള ദിവസങ്ങളിലും ഏറിയും കുറഞ്ഞുമാണ് വില രേഖപ്പെടുത്തിയത്. സ്വര്ണം വരുംദിവസങ്ങളിലും സ്ഥിരത പ്രകടിപ്പിക്കാനുള്ള സാധ്യതയില്ലെന്നാണ് വിപണി വൃത്തങ്ങള് പറയുന്നത്. രാജ്യാന്തര വിപണിയിലെ മാറ്റങ്ങളാണ് സ്വര്ണ വിലയില് പ്രതിഫലിക്കുന്നത്.