തൃശൂര്: വരുന്ന നിയമസഭാ തെരഞ്ഞെടുപ്പില് കഴക്കൂട്ടത്ത് സ്ഥാനാര്ത്ഥിയാവാന് തയ്യാറാണെന്ന് ആവര്ത്തിച്ച് ബിജെപി സംസ്ഥാന വൈസ് പ്രസിഡന്റ് ശോഭാ സുരേന്ദ്രന്. മാധ്യമങ്ങളോട് സംസാരിക്കുകയായിരുന്നു ശോഭ സുരേരേന്ദ്രന്.
കേന്ദ്രനേതൃത്വത്തിന്റെ ഇടപെടലോടെ ശോഭയ്ക്ക് മത്സരിക്കാന് കഴിയുമെന്നാണ് റിപ്പോര്ട്ടുകള്.
ശോഭാ സുരേന്ദ്രന് ഇത്തവണ മത്സരരംഗത്തുണ്ടാകുമെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന് കഴിഞ്ഞദിവസം വ്യക്തമാക്കിയിരുന്നു. എന്നാല് താന് മത്സരിക്കുന്ന മണ്ഡലം കഴക്കൂട്ടമാണെന്ന് കെ.സുരേന്ദ്രന് പറയേണ്ട കാര്യമില്ലെന്ന് ശോഭ സുരേന്ദ്രന് തുറന്നടിച്ചു.
തെരഞ്ഞെടുപ്പില് മത്സരിക്കണമെന്ന് ഒരുപാട് പേര് തന്നോട് ആവശ്യപ്പെട്ടിരുന്നു. താന് മത്സരിക്കുന്ന മണ്ഡലം കഴക്കൂട്ടമാണെന്ന് കെ.സുരേന്ദ്രന് പറയേണ്ട കാര്യമില്ല. അവിടെ മത്സരിക്കാന് ദേശീയ നേതൃത്വം ഇങ്ങോട്ട് ആവശ്യപ്പെട്ടതാണെന്നും ശോഭാ സുരേന്ദ്രന് പറഞ്ഞു.
ശബരിമലയിലെ യുവതീപ്രവേശനത്തില് ഭക്തര്ക്കെതിരായ നിലപാട് സ്വീകരിച്ചയാളാണ് ദേവസ്വം മന്ത്രി കടകംപള്ളി സുരേന്ദ്രന്. ശബരിമല ഏറ്റവും കൂടുതല് ചര്ച്ചയാവുന്ന മണ്ഡലം കൂടിയായിരിക്കും കഴക്കൂട്ടം. ദേവസ്വം മന്ത്രിക്കെതിരായ ഈ മത്സരം മുഴുവന് ശബരിമല വിശ്വാസികള്ക്കുമായുള്ള പോരാട്ടം കൂടിയാണെന്നും ശോഭ പറഞ്ഞു.