കല്പ്പറ്റ: കനത്ത മഴ അതിശക്തമായി തുടരുന്നതിനാല് വ്യാഴാഴ്ച്ച വയനാട് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും അവധിയായിരിക്കുമെന്ന് ജില്ലാ കളക്ടര് അറിയിച്ചു. പ്രഫഷണല് കോളജുകളും അംഗന്വാടികളും ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമായിരിക്കും.
ഇരിട്ടി, തളിപ്പറമ്പ് താലൂക്കുകളിലേയും വിദ്യാഭ്യാസ സ്ഥാപനങ്ങള്ക്കും നാളെ അവധിയായിരിക്കും. സിബിഎസ്ഇ, ഐസിഎസ്ഇ സ്കൂളുകള്ക്കും അവധി ബാധകമാണ്. എന്നാല് ഹയര്സെക്കന്ഡറി, സര്വകലാശാല പരീക്ഷകള്ക്ക് മാറ്റമില്ല.
മഴ തുടരുന്നതിനാല് ഡാമുകളിലും പുഴകളിലും മറ്റും ജലനിരപ്പ് ഉയരുന്നുണ്ട്. ശക്തമായ മലവെള്ളപ്പാച്ചിലിനും സാധ്യതയുണ്ട്. അതിനാല് മഴ കുറയുന്നത് വരെ ഡാമുകളിലും പുഴകളിലും ഇറങ്ങാതിരിക്കാന് പൊതുജനങ്ങള് ശ്രദ്ധിക്കണമെന്നും കളക്ടര് നിര്ദേശം നല്കിയിട്ടുണ്ട്.