ജീവിതത്തോട് പടപൊരുതി ജയിച്ച ദേവിക എന്ന യുവതിയുടെ ജീവിത കഥയാണ് ഇന്ന് സമൂഹമാധ്യമങ്ങളില് വൈറലായിക്കൊണ്ടിരിക്കുന്നത്. ഒരു അതിജീവനത്തിന്റെ കഥയാണ് ദേവിക നമ്മോട് പറയുന്നത്. കൂലിപ്പണിക്കാരനായ അച്ഛന്റെ തണലില് പട്ടയമില്ലാത്ത ഭൂമിയില് ആശയറ്റ് ജീവിക്കേണ്ടി വന്ന ഒരു പെണ്ണായിരുന്നു ദേവിക.
എന്നാല് കഷ്ടപ്പാടുകള് തളര്ത്താന് ശ്രമിക്കുമ്പോഴും ജീവിതത്തോട് പോരാടാന് തീരുമാനിക്കുന്ന നിമിഷത്തിലാണ് ദേവികയുടെ ജീവിതത്തിലെ ട്വിസ്റ്റ് ജനിക്കുന്നത്. നാലു മിഠായി ഭരണിയും കുറച്ചു കറിപ്പൊടികളും മാത്രമായി ജീവിക്കാന് ഇറങ്ങിത്തിരിക്കുമ്പോഴും ദേവികയ്ക്ക് ബാധ്യതകളുടെ കൂമ്പാരം ഉണ്ടായിരുന്നു.
പക്ഷേ അവിടുന്നങ്ങോട്ട് അവള് കൈമെയ് മറന്ന് അധ്വാനിച്ചു. അദ്ഭുതവും ആദരവും തോന്നുന്ന അവളുടെ ജീവിതത്തിന്റെ ബാക്കി കഥ സോഷ്യല് മീഡിയയിലാണ് പങ്കുവയ്ക്കപ്പെട്ടത്. കളിയാക്കലും കുറ്റപ്പെടുത്തലും തളരാനുള്ള വഴിയാകരുത്. വളരാനുള്ള കരുത്താവണം. പെണ്ണായാലെന്താ നീ തീയാണ്. സ്വയം നിന്നിലേക്ക് നോക്ക് നടന്നു നീങ്ങാന് ദൈവം വഴി തുറക്കും. വിധിയെന്ന് കരുതി സമാധാനിക്കരുത്. പൊരുതണം. തോല്പ്പിച്ചവരുടെ മുമ്പില് ജീവിച്ചു കാണിക്കുക. നമ്മുടെ ജീവിതം എല്ലാവര്ക്കും മാതൃക ആവട്ടെ- ദേവികയ്ക്ക് ഇന്ന് നമ്മോട് പറയാനുള്ള വാക്കുകള് ഇതാണ്.
സോഷ്യല് മീഡിയയില് പ്രചരിക്കുന്ന കുറിപ്പിന്റെ പൂര്ണരൂപം:
ജീവിതം പടപൊരുതി വിജയം കണ്ട ദേവികയ്ക്ക് നമ്മളോട് പറയാന് ഒരു കഥയുണ്ട് തന്റെ സ്വന്തം കഥ… ഒരു മോട്ടിവേഷന്റെ കഥ…ജീവിതത്തിന്റെ പ്രതിസന്ധികള് എല്ലാവര്ക്കും ഉണ്ട്. കൂലിപ്പണിക്കാരന്റെ വീടെന്നും പട്ടിണിയാണ്. അന്നന്ന് കഴിയാനെ അവനാകു, എന്റെഅപ്പനും വ്യത്യസ്തമല്ല. അച്ചന് മറ്റൊന്നും ചെയ്ത് അത്യാവിശ്യകാര്യങ്ങളൊഴികെ മറ്റൊന്നുംതരാന് പറ്റുമായിരുന്നില്ല. താമസിക്കുന്ന 3 സെന്റ് സ്ഥലം മാത്രമാണ് പറയാനുള്ളു. പട്ടയമില്ലാത്ത കാരണം അതിലും വല്യ പ്രതീക്ഷകളില്ല..പട്ടിണിയൊക്കെ നന്നായി അറിഞ്ഞാണ് ഞാനും വളര്ന്നത്.
ജീവിതത്തിന്റെ രണ്ടറ്റവും പിളരുമെന്ന്അത് ജീവിതം കാര്ന്ന് തീന്നുമെന്ന് തോന്നിയ നിമിഷം ഞാനൊരു തീരുമാനം എടുത്തു. ഒരു ബിസിനസ് തുടങ്ങണം. രക്ഷപ്പെടണം.പക്ഷേ പൈസയില്ല. നമ്മളെ ഒക്കെ ആരു സഹായിക്കാന് ഹോംനേഴ്സ് കുപ്പായമണിഞ്ഞു 1വര്ഷം.. അതിനൊപ്പം പാര്ട്ട് ടെം ഹോംമെയ്ഡായി ഫ്ലാറ്റുകളില് ജോലി നോക്കി. മനസിലെ ആഗ്രഹം സാധിക്കുക മാത്രമായിരുന്നു ലക്ഷ്യംഅന്നത്തെ സാലറി 3000 രൂപയാണ്.വീട്ടില് കൊടുത്തതിന്റെ ബാക്കിമിച്ചംവച്ചത് 8000 രൂപയാണ്.അതുകൊണ്ട് വീടിനോട് ചേര്ന്ന് ഒരു ഷെഡ്ഢില് ഒരു കൊച്ചു കട 3 വര്ഷം മുമ്പ് തുടങ്ങി വച്ചു.
4 കാറ്റാടി കമ്പില് 4 ചുറ്റും പലക തറച്ച് ഞാനാ സ്വപ്നത്തിന് തറയിട്ടു, (ചിത്രം ഒന്നില് കാണാമത്) എന്നെ കളിയാക്കിയവരുണ്ട്, നാലു മിഠായി ഭരണിയും കുറച്ചു കറിപ്പൊടികളും ഒക്കെയുള്ളു എന്ന് പറഞ്ഞ് പലരും അമര്ത്തിച്ചിരിക്കുന്നത് ഞാന് കണ്ടു. ഒരു പെണ്കുട്ടി എത ഓടിയാലും ഇത്രേ ഉള്ളു എന്ന് നേരിട്ട് പറഞ്ഞവരുണ്ട്. വല്യ കാര്യവുമുണ്ടോ നിനക്ക്എന്ന് പറഞ്ഞവരോടും പുഞ്ചിച്ചവരോടും ഞാന് ചിരിച്ച് പ്രതികാരം തീര്ത്തു. ഒന്നുമില്ലായ്മയില് ഞാനിട്ടത് ജിവിതമാണ് എന്ന തിരിച്ചറിവ് എന്നെ മുന്നോട്ട് നടത്തി.ഇതിനിടയില് ജിവിതത്തില് പല തിരിച്ചടികളും വീണ്ടുംനേരിട്ടു.സ്വരുക്കൂട്ടുന്നതൊക്കെ കൈവിട്ടു പോയി. രോഗങ്ങളും വിധിയും ജിവിതത്തെ ഉലച്ചു. മഴയും വെയിലും മാറി മാറി വരുമ്പോഴൊക്കെ പേടിയോടെ ഞാനെന്റെ സ്വപ്നത്തെ നോക്കും. കാറ്റില് പറന്ന് പോകുമോ മഴയില് ഇടിഞ്ഞു വീഴുമോ എന്നൊക്കെ ഭയന്ന് കരയും അതിലിരുന്ന്.
എത്ര ദിവസങ്ങള്…. മാസങ്ങള്,,, രാത്രിയില് ഏലിയും, പാമ്പും വരുമോ എന്ന് പേടിച്ച് ഉറങ്ങാതെ ഇരുന്ന ദിനങ്ങളുണ്ട്.,,,കാറ്റില് പറക്കാത്ത മഴയത്ത് നനയാത്ത ഒരു കൊച്ചു കട അതിലിരുന്ന് കാണുന്ന സ്വപ്നമായി.സ്വപ്നങ്ങള്ക്കു കൂട്ടായ് ഒരാള് ജീവിതത്തിലേക്ക് കടന്നുവന്നപ്പോ ആശിച്ചു സ്വപനം നിറവേറ്റാന് ഒരാളുണ്ടല്ലോ എന്ന്. വിധി മറ്റൊന്നായിരുന്നു.. ജിവിതത്തില് വിധി എന്നെ ഒറ്റക്കാക്കി. രോഗങ്ങള്കുടുംബത്തിന്റെ അടിവേര് ഇളക്കി. അതിലേറെ വേദനിപ്പിച്ചത് മറ്റൊന്നായിരുന്നു. ഏറ്റവും കൂടുതല് സ്നേഹിച്ച വ്യക്തി ഇട്ടിട്ട് പോകും മുമ്പ് പറഞ്ഞ വാക്കായിരുന്നു. ഇതൊക്കെ പൊട്ടിപൊളിഞ്ഞ് നീ പണ്ടാരമടങ്ങിപ്പോകുമെന്ന് .
ഇതില് നിന്നായിരുന്നു ഞാനാ വ്യക്തിയെ സംരക്ഷിച്ചത്. എന്നിട്ടും. പക്ഷേ തോല്ക്കാന് ഞാന് തയ്യാറല്ലായിരുന്നു.. എന്റെ സ്വപനത്തിനായി ഞാന് പണിയെടുക്കാന് വീണ്ടും തുടങ്ങി. കട്ട ചുമക്കാനും, തേക്കാനും, മിറ്റല് കോരാനും., വീടുകളില് ജോലിക്ക് ഒക്കെ പോകും. പെണ്ണായിരുന്നു എന്നത് കൊണ്ട് സ്വപ്നം കണ്ടൂടെ, കരഞ്ഞ് തളര്ന്ന് പോയാല് ജീവിതമില്ലന്ന് ഞാന് മനസിലാക്കി.6 മാസം കൊണ്ട് ഞാനെന്റെ സ്വപ്നം പൂര്ത്തിയാക്കി. ആരുടെയും സഹായമില്ലാതെ. ആരോടും കടം വാങ്ങാതെ,കാറ്റും മഴയും കടക്കാത്ത ഒരു കൊച്ചു ഷോപ്പ്. ഞാനാണത് തേച്ചതും പെയിറ്റ് ചെയ്തതും ഒക്കെ., എന്നെ വേദനിപ്പിച്ച ഞാന് നശിക്കുമെന്ന് പറഞ്ഞവ്യക്തിക്ക് മുമ്പില് ഞാനെന്റെ സ്വപ്നം പൂര്ത്തിയാക്കി.
ചുവടുറപ്പിച്ച് നില്ക്കാന് ഈശ്വരന് സഹായിച്ചു. വലിയ ഷോപ്പല്ല.. വലിയ വരുമാനവും ഇല്ല. ബാധ്യതകള് ബാക്കിയാണ്. എന്റെ അച്ചന് ഹാര്ട്ട് പേഷ്യന്റ് അമ്മ ക്യാന്സര് രോഗിയുമാണ്. മരുന്നുകള് വേണം. അവരെ നോക്കണം. പുറത്തെവിടെങ്കിലും ഒരു ഷോപ്പ് ഇടണം ആരെയും ആശ്രയിക്കാത്ത നിലയിലെത്തണം എന്നാണ് ആഗ്രഹം അത് ഇവിടെ നിന്ന് തുടങ്ങണം. എങ്കിലും എനിക്ക് ഒന്നുമില്ല എന്ന് പറയുന്നവരോട് ശ്രമിക്കണം ഉണ്ടാവും എല്ലാം. തളര്ത്താന് ഒരുപാട് പേരുണ്ട്. കുറ്റം പറയാന് ആയിരം
പേരുണ്ട്. നിനക്ക് നീ മാത്രമേ ഉള്ളു എന്ന തിരിച്ചറിവ് മനസിന് ബലം നല്കുന്നിടത്ത് ജീവിച്ച് തുടങ്ങും നാം,,. തളര്ന്ന് വീണാലും എഴുന്നേല്ക്കണം. നിന്റെ സ്വപ്നം നീയാണ്.. കളിയാക്കലും കുറ്റപ്പെടുത്തലും തളരാനുള്ള വഴിയാകരുത്. വളരാനുള്ള കരുത്താവണം. പെണ്ണായാലെന്താ നീ തീയാണ്. സ്വയം നിന്നിലേക്ക് നോക്ക് നടന്നു നീങ്ങാന് ദൈവം വഴി തുറക്കും. വിധിയെന്ന് കരുതി സമാധാനിക്കരുത്. പൊരുതണം. തോല്പ്പിച്ചവരുടെ മുമ്പില് ജീവിച്ചു കാണിക്കുക. നമ്മുടെ ജീവിതം എല്ലാവര്ക്കും മാതൃക ആവട്ടെ., നടക്കാന് ഏറെ ദൂരമുണ്ടിനിയും കരയാന് സമയമില്ല കാരണം ജീവിതം എന്നത് വലിയ അത്ഭുതമാണ് കണ്ടെത്തും വരെ.