തിരുവനന്തപുരം: എല്ലാ ക്ഷേമ പെന്ഷനുകളും 1600 രൂപയാക്കി ഉയര്ത്തി. ബജറ്റ് അവതരണത്തിനിടെയാണ് ക്ഷേമ പെന്ഷനുകള് 1600രൂപയായി ഉയര്ത്തിയതായി ധനമന്ത്രി പ്രഖ്യാപിച്ചത്. ഏപ്രില് മാസം മുതല് പുതുക്കിയ
ക്ഷേമ പെന്ഷന് ജനങ്ങള്ക്ക് ലഭിക്കുമെന്നും മന്ത്രി പറഞ്ഞു.
കോവിഡ് വ്യാപനത്തിനിടയിലും ജീവിതം മുന്നോട്ടുകൊണ്ടുപോകാന് പിണറായി വിജയന് സര്ക്കാര് ജനങ്ങള്ക്ക് ആത്മവിശ്വാസം പകര്ന്നു എന്ന് ധനമന്ത്രി തോമസ് ഐസക് പറഞ്ഞു. കൊറോണയ്ക്കെതിരെ പോരാടി വിജയിക്കുമെന്ന് തോമസ് ഐസക് വ്യക്തമാക്കി.
കോവിഡ് തുറന്നിടുന്ന സാധ്യതകള്ക്ക് കൂടുതല് ഊന്നല് നല്കുമെന്ന് ധനമന്ത്രി തോമസ് ഐസക്ക് പറഞ്ഞു. തൊഴില് വൈദഗ്ധ്യം പ്രയോജനപ്പെടുത്താന് കിഫ്ബിക്ക് സമാനമായ സംരംഭം തുടങ്ങും. സാമ്പത്തിക വളര്ച്ചയും സാമൂഹിക നീതിയും ഉറപ്പാക്കുമെന്നും ബജറ്റ് അവതരണത്തിന് മുമ്പ് മന്ത്രി മാധ്യമങ്ങളോട് പറഞ്ഞു.
പിണറായി വിജയന് സര്ക്കാരിന്റെ ആറാം ബജറ്റാണിത്. ഇടതുസര്ക്കാരിന്റെ അവസാന ബജറ്റ് കൂടിയാണിത്. ധനമന്ത്രിതോമസ് ഐസക്കിന്റെ പന്ത്രണ്ടാമത്തേതും. തെരഞ്ഞെടുപ്പ് തൊട്ടടുത്ത് നില്ക്കുന്ന സാഹചര്യത്തില് ബജറ്റില് കൂടുതല് ജനപ്രിയ പ്രഖ്യാപനങ്ങള് ഉണ്ടായേക്കുമെന്നാണ് സൂചന.