കൊച്ചി: സംസ്ഥാനത്ത് സ്വര്ണവിലയില് ചാഞ്ചാട്ടം തുടരുന്നു. വ്യാഴാഴ്ച പവന്റെ വില 400 രൂപകുറഞ്ഞു. ഇതോടെ ഒരു പവന്റെ വില 38,000 രൂപയായി. 4,750 രൂപയാണ് ഗ്രാമിന്റെവില. കഴിഞ്ഞ രണ്ടുദിവസമായി പവന്റെ വില 38,400 നിലവാരത്തില് തുടരുകയായിരുന്നു.
അതേസമയം, കഴിഞ്ഞ ദിവസത്തെ ഇടിവിനുശേഷം ആഗോള വിപണിയില് സ്പോട് ഗോള്ഡ് വില ഔണ്സിന് 0.2ശതമാനമുയര്ന്നിരുന്നു. ഇതോടെ 1,922.81 ഡോളറിലെത്തി. മുമ്പത്തെ വ്യാപാരദിനത്തില് 2.5ശതമാനമായിരുന്നു വിലയില് ഇടിവുണ്ടായത്.
കമ്മോഡിറ്റി വിപണിയായ എംസിഎക്സില് പത്ത് ഗ്രാം 24 കാരറ്റ് സ്വര്ണത്തിന്റെ വില 50,781 രൂപയാണ്. തിങ്കളാഴ്ച രണ്ടുതവണയായി പവന് 560 രൂപകൂടിയിരുന്നു. ഇതിനുപിന്നാലെ ചൊവാഴ്ച 320 രൂപകൂടി വര്ധിച്ചു. ഇതോടെ പവന്റെ വില 38,400 രൂപയായിരുന്നു. 4,800 രൂപയായിരുന്നു ഗ്രാമിന്റെ വില.