തിരുവനന്തപുരം: കേന്ദ്രസര്ക്കാരിന്റെ മോട്ടോര് വാഹന നിയമ ഭേദഗതി പിന്വലിക്കണമെന്ന് ആവശ്യപ്പെട്ട് നടത്തുന്ന പണിമുടക്ക് ഇന്ന് അര്ദ്ധരാത്രി മുതല് ആരംഭിക്കും. സ്വകാര്യ ബസ്സുകള്, ഓട്ടോ, ടാക്സി, ചരക്ക് വാഹനങ്ങള്, കെഎസ്ആര്ടിസി എന്നിവയടക്കം വാഹനപണിമുടക്കില് പങ്കെടുക്കും.
മോട്ടോര് വ്യവസായ സംരക്ഷണ സമിതി ദേശീയ കോഓര്ഡിനേഷന് കമ്മിറ്റിയാണ് പണിമുടക്കിന് ആഹ്വാനം ചെയ്തിരിക്കുന്നത്. ബിജെപി അനുകൂല തൊഴിലാളി സംഘടനയായ ബിഎംഎസ് ഒഴികെയുള്ള എല്ലാ ട്രേഡ് യൂണിയനുകളും പണിമുടക്കില് പങ്കെടുക്കുന്നുണ്ട്.
സംസ്ഥാനത്തെ കെഎസ്ആര്ടിസി യൂണിയനുകളുമായി സിഎംഡി ടോമിന് ജെ തച്ചങ്കരി ചര്ച്ച നടത്തിയെങ്കിലും പരാജയപ്പെടുകയായിരുന്നു. വര്ക്ക്ഷോപ്പുകള്, ഡ്രൈവിംഗ് സ്കൂളുകള്, സര്വ്വീസ് സെന്ററുകള്, വാഹന ഷോറൂമുകള് എന്നിവയും പണിമുടക്കിന്റെ ഭാഗമാകും.
ഇന്ഷൂറന്സ് പ്രീമിയം വര്ധന പിന്വലിക്കുക, പെട്രോളിയം ഉല്പ്പന്നങ്ങളുടെ വിലക്കയറ്റം നിയന്ത്രിക്കുക തുടങ്ങിയ ആവശ്യങ്ങള് ഉന്നയിച്ചാണ് പണിമുടക്ക്.
പണിമുടക്കിന്റെ പശ്ചാത്തലത്തില് നാളെ നടക്കാനിരുന്ന സര്വകലാശാല പരീക്ഷകള് മാറ്റിവച്ചു. കണ്ണൂര്, എംജി, കേരള, ആരോഗ്യ സര്വകലാശാലകള് നടത്താനിരുന്ന എല്ലാ പരീക്ഷകളും മാറ്റിവച്ചു. പുതുക്കിയ തീയതികള് പിന്നീട് അറിയിക്കും.