അതിരപ്പിള്ളി: വെറ്റിലപ്പാറ പാലത്തിനു സമീപം ചാലക്കുടിപ്പുഴയില് മാതാപിതാക്കള്ക്കൊപ്പം കുളിക്കാനിറങ്ങിയ പ്ലസ് വണ് വിദ്യാര്ത്ഥിനി മുങ്ങിമരിച്ചു. പാലാരിവട്ടം പള്ളിശേരില് റോഡ് അമിറ്റി ലെയിനില് കിരിയാന്തന് വീട്ടില് വിനു വര്ഗീസിന്റെ മകള് ഐറിന് ആണ് മാതാപിതാക്കള്ക്ക് കണ്മുന്പില് വെച്ച് മുങ്ങിമരിച്ചത്. 16 വയസായിരുന്നു.
ഇന്നലെ വൈകിട്ടു നാലരയോടെയാണ് അപകടം. ബന്ധുക്കളുടെ കരച്ചില് കേട്ടു നാട്ടുകാരും പാലത്തിനു സമീപമുള്ള കച്ചവടക്കാരും തിരച്ചില് നടത്തി കുട്ടിയെ കണ്ടെടുത്തു ചാലക്കുടിയിലെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. രക്ഷിക്കാനായില്ല. കാക്കനാട് ചെമ്പ് മുക്ക് അസീസി സ്കൂളില് പ്ലസ് വണ് വിദ്യാര്ത്ഥിനിയാണ്. മാതാവ്: അനു, സഹോദരന്: റൂബന്.