തിരുവനന്തപുരം: കെഎം മാണിയുടെ നിര്യാണത്തില് അനുശോചനം അറിയിച്ച് മുഖ്യമന്ത്രി പിണറായി വിജയന്. കെഎം മാണിയുടെ നിര്യാണം കേരളത്തിനാകെ നികത്താനാകാത്ത നഷ്ടമാണെന്ന് മുഖ്യമന്ത്രി പറഞ്ഞു.
പ്രഗത്ഭനായ നിയമസഭാ സമാജികനും, കേരളത്തിന്റെ പ്രശ്നങ്ങള് പഠിച്ച് അവതരിപ്പിച്ചിരുന്ന ശ്രദ്ധേയനായ രാഷ്ട്രീയ നേതാവിനെയുമാണ് നഷ്ടമായത്. അദ്ദേഹത്തിന്റെ നിര്യാണം കേരള കോണ്ഗ്രസ്സിനു മാത്രമല്ല, കേരളത്തിനാകെ നികത്താനാകാത്ത നഷ്ടമാണെന്നും മുഖ്യമന്ത്രി അനുശോചന സന്ദേശത്തില് അറിയിച്ചു.
കര്ഷകരുടെ താല്പര്യങ്ങള് സഭയില് ഉന്നയിക്കുന്നതില് പ്രത്യേകം ശ്രദ്ധ പതിപ്പിച്ചിരുന്ന വ്യക്തിയായിരുന്നു കെഎം മാണി. കക്ഷി രാഷ്ട്രീയത്തിനതീതമായി സഭയിലും പുറത്തും എല്ലാവരുടെയും സ്നേഹാദരങ്ങള്ക്ക് പാത്രമായിരുന്നു അദ്ദേഹം.പുതിയ നിയമസഭാ സമാജികര്ക്ക് മാതൃകയാക്കേണ്ട ഒരുപാട് കാര്യങ്ങള് അദ്ദേഹത്തിന്റെ വ്യക്തിത്വത്തിലുണ്ടെന്നും മുഖ്യമന്ത്രി പറഞ്ഞു.