കൊച്ചി: കന്യാസ്ത്രീയെ പീഡിപ്പിച്ച കേസില് ബിഷപ്പ് ഫ്രാങ്കോ മുളയ്ക്കലിനെതിരായ കുറ്റപത്രം വൈകുന്നതില് പ്രതിഷേധിച്ച് കന്യാസ്ത്രീകള് വീണ്ടും അനിശ്ചിതകാല സമരത്തിനിറങ്ങുന്നു. ഇന്ന് ചേര്ന്ന ആക്ഷന് കൗണ്സില് യോഗത്തിലാണ് കന്യാസ്ത്രീകള് വീണ്ടും സമരത്തിനിറങ്ങാനുള്ള നിര്ണ്ണായക തീരുമാനത്തിലെത്തിയത്.
ഏപ്രില് ആറിന് കൊച്ചിയില് സമരപ്രഖ്യാപന കണ്വെന്ഷന് നടത്തി അനിശ്ചിതകാല സമരത്തിനിറങ്ങാനാണ് തീരുമാനം. കന്യാസ്ത്രീയെ ബലാത്സംഗം ചെയ്തെന്ന പരാതിയില് ഇക്കഴിഞ്ഞ സെപ്റ്റംബര് 21നാണ് ജലന്തര് രൂപത ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്തത്. മൂന്നു മാസം നീണ്ട അന്വേഷണത്തിനൊടുവിലായിരുന്നു അറസ്റ്റ്.