തിരുവനന്തപുരം: സംസ്ഥാനത്ത് ഇനിയും ചൂട് കൂടുമെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. ചൂടിനെതിരെ ഉള്ള ജാഗ്രത നിര്ദേശം ഞായറാഴ്ച വരെ നീട്ടിയിട്ടുണ്ട്.
വയനാട് ഒഴികെയുള്ള 13 ജില്ലകളില് പകല് താപനില ശരാശരിയില് നിന്ന് 3 ഡിഗ്രി വരെ വര്ധിച്ചേക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.
സൂര്യാഘാതത്തിനും സൂര്യാതപത്തിനും സാധ്യത വളരെ കൂടുതല് ഉള്ളതിനാല് നേരിട്ട് സൂര്യപ്രകാശം എല്ക്കുന്നത് ഒഴിവാക്കണമെന്ന അധികൃതര് മുന്നറിയിപ്പ് നല്കിയിട്ടുണ്ട്.
മേഘാവരണം ഇല്ലാത്തതിനാല് അതികഠിനമായ ചൂട് നേരിട്ട് പതിക്കും. അള്ട്രാവയലറ്റ് രശ്മികളുടെ തോത് കൂടിയതിനാല് സൂര്യാതപവും സൂര്യാഘാതവും ഏല്ക്കാനുള്ള സാധ്യത കൂടുതലാണ്. 11 മണി മുതല് മൂന്നു വരെയുള്ള സമയത്ത് വെയില് ഏല്ക്കരുതെന്ന് കര്ശന നിര്ദേശം നല്കിയിട്ടുണ്ട്.
ഞായറാഴ്ച വരെ സംസ്ഥാനത്ത് ദുരന്തനിവാരണ അതോറിറ്റി ജാഗ്രതാ നിര്ദേശം പുറപ്പെടുവിച്ചു. കേന്ദ്ര കാലാവസ്ഥാ വകുപ്പ് പുറപ്പെടുവിച്ച കാലാവസ്ഥാ വിശകലനത്തില് നിന്ന് തിരുവനന്തപുരം, കൊല്ലം, പത്തനംതിട്ട, കോട്ടയം, ആലപ്പുഴ, എറണാകുളം, പാലക്കാട്, തൃശ്ശൂര്, മലപ്പുറം, കോഴിക്കോട്, കണ്ണൂര്, കാസര്കോട് എന്നീ ജില്ലകളില് ഉയര്ന്ന താപനില ശരാശരിയില് നിന്നും 2 മുതല് 3 ഡിഗ്രി വരെ ഉയരുവാന് സാധ്യതയുണ്ടെന്ന് വ്യക്തമാക്കുന്നുണ്ട്.