തിരുവനന്തപുരം: സംസ്ഥാനത്ത് നാളെ സൂര്യാഘാത, സൂര്യാതാപ മുന്നറിയിപ്പ് നല്കി.
ദുരന്തനിവാരണ അതോറിറ്റിയാണ് മുന്നറിയിപ്പ് നല്കിയിരിക്കുന്നത്. കോഴിക്കോട്, കണ്ണൂര്, തൃശ്ശൂര്, എറണാകുളം, കോട്ടയം എന്നീ ജില്ലകളില് കൂടിയ താപനില 2 മുതല് 3 വരെ ഡിഗ്രി വരെ ഉയരാന് സാധ്യതയുള്ളതായി കേന്ദ്ര കാലാവസ്ഥാ നിരീക്ഷണ കേന്ദ്രം വ്യക്തമാക്കുന്നു.
സൂര്യാഘാതം ഒഴിവാക്കാന് ശ്രദ്ധിക്കേണ്ട കാര്യങ്ങള് എന്തൊക്കൈന്ന് നോക്കാം…
രാവിലെ 11 മണി മുതല് ഉച്ചകഴിഞ്ഞ് 3 മണി വരെ എങ്കിലും നേരിട്ട് സൂര്യപ്രകാശം ഏല്ക്കുന്നതിന് ഒഴിവാക്കുക. നിര്ജലീകരണം തടയാന് കുടിവെള്ളം എപ്പോഴും ഒരു ചെറിയ കുപ്പിയില് കൈയ്യില് കരുതുക. പരമാവധി ശുദ്ധജലം കുടിക്കാന് ശ്രദ്ധിക്കുക. കാപ്പി, ചായ എന്നീ പാനീയങ്ങള് പകല് സമയത്ത് ഒഴിവാക്കുക.
അയഞ്ഞ, ലൈറ്റ് കളര് പരുത്തി വസ്ത്രങ്ങള് മാത്രം ധരിക്കാന് ശ്രദ്ധിക്കുക. വിദ്യാര്ത്ഥികളുടെ പരീക്ഷാക്കാലമായതിനാല് സ്കൂള് അധികൃതരും രക്ഷിതാക്കളും പ്രത്യേകശ്രദ്ധ പുലര്ത്തണമെന്നും നിര്ദേശമുണ്ട്. കുട്ടികളെ അവധി പ്രമാണിച്ച് വിനോദ സഞ്ചാരത്തിന് കൊണ്ടുപോകുന്ന സ്കൂളുകള് 11 മണി മുതല് ഉച്ചകഴിഞ്ഞ് 3 മണി വരെ കുട്ടികള്ക്ക് നേരിട്ട് ചൂട് ഏല്ക്കുന്നില്ല എന്ന് ഉറപ്പ് വരുത്തണം.
തൊഴില് സമയം പുനഃക്രമീകരിച്ചു വേനല്ക്കാലത്ത് താപനില ക്രമാതീതമായി ഉയരുന്നതിനാല് തൊഴിലാളികള്ക്ക് സൂര്യാഘാതം ഏല്ക്കാനുള്ള സാധ്യത മുന്നിര്ത്തി സൂര്യപ്രകാശം നേരിട്ട് എല്ക്കേണ്ടി വരുന്നു തൊഴില് സമയം പുനഃക്രമീകരിച്ച് ലേബര് കമ്മീഷണര് ഉത്തരവിട്ടിട്ടുണ്ട്.