തിരുവനന്തപുരം: സീറ്റ് നിഷേധിച്ചതിനെ തുടര്ന്നുണ്ടായ കോലാഹലങ്ങള് കേരള കോണ്ഗ്രസ് എമ്മില് പുകയുന്നതിനിട പിജെ ജോസഫിനെ തങ്ങളുടെ പാര്ട്ടിയിലേക്ക് സ്വാഗതം ചെയ്ത് കേരള കോണ്ഗ്രസ് ജേക്കബ് വിഭാഗം. കേരളകോണ്ഗ്രസുകളുടെ ലയനം അടഞ്ഞ അധ്യായമല്ലെന്നും അനുയോജ്യമായ സാഹചര്യമുണ്ടായാല് അതു നടക്കുമെന്നും ജോസഫിനെ സ്വാഗതം ചെയ്തു കൊണ്ട് കേരള കോണ്ഗ്രസ് ജേക്കബ് വിഭാഗം ചെയര്മാന് ജോണി നെല്ലൂര് പറഞ്ഞു.
കേരള കോണ്ഗ്രസിലെ പ്രശ്നങ്ങള് പരിഹരിക്കാന് യുഡിഎഫില് നീക്കങ്ങള് നടക്കുന്നുണ്ട്. പാര്ട്ടി പിളര്ന്നാലും പിജെ ജോസഫും സംഘവും യുഡിഎഫ് വിട്ടു പോകില്ല. ജോസഫിനെ മുന്നണിയില് നിര്ത്തി പ്രശ്നം പരിഹരിക്കുമെന്നും ജോണി നെല്ലൂര് വ്യക്തമാക്കി.
പിജെ ജോസഫിന് ലോക്സഭാ സീറ്റ് നിഷേധിച്ചതിനെ തുടര്ന്ന് കേരളാകോണ്ഗ്രസ് എമ്മില് ഉടലെടുത്ത സ്വരച്ചേര്ച്ചകള് പാര്ട്ടിക്കുള്ളില് ഇപ്പോഴും പുകയുകയാണ്. തീരുമാനത്തില് പ്രതിഷേധിച്ച് കേരള കോണ്ഗ്രസ് ജോസഫ് വിഭാഗം നേതാക്കള് പാര്ട്ടി സ്ഥനമാനങ്ങള് രാജിവെച്ചിരുന്നു.