തൃശൂര്: പ്രവാസി നിക്ഷേപങ്ങളെ സംസ്ഥാനത്തേക്ക് ആകര്ഷിക്കുവാന് സഹായകമായ നോര്ക്ക ബിസിനസ്സ് ഫെസിലിറ്റേഷന് സെന്റര് മുഖ്യമന്ത്രി ഉദ്ഘാടനം ചെയ്തു. സംരംഭകര്ക്ക് മുമ്പില് കേരളത്തിലെ വ്യവസായ സംരംഭക സാദ്ധ്യതകള് അവതരിപ്പിച്ച് സംരംഭങ്ങള് തുടങ്ങാനുള്ള സാഹചര്യം ഒരുക്കുകയാണ് സെന്റര് കൊണ്ട് ഉദ്ദേശിക്കുന്നതെന്ന് മുഖ്യമന്ത്രി പറഞ്ഞു.
സംരംഭങ്ങള് തുടങ്ങാനുളള സാങ്കേതികവും സാമ്പത്തികവുമായ സഹായവും ഉപദേശവും സെന്റര് ഒരുക്കും. പൊതുമേഖലാ ബാങ്കുകള്, സിഡ്കോ, കിന്ഫ്ര, കെഎസ്ഐഡിസി, കെഎഫ്സി തുടങ്ങിയ പൊതുമേഖല സ്ഥാപനങ്ങളുടെ നിക്ഷേപസംബന്ധമായ സേവനങ്ങള് സംയോജിപ്പിച്ച് പ്രവാസികളിലേയ്ക്ക് എത്തിക്കുന്നതിനുളള നടപടികളും എന്ബിഎഫ്സി മുഖേന സ്വീകരിക്കുമെന്നും മുഖ്യമന്ത്രി കൂട്ടിച്ചേര്ത്തു. മുഖ്യമന്ത്രി തന്റെ ഫേയ്സ് ബുക്ക് പോസ്റ്റിലൂടെയാണ് ഇക്കാര്യം വ്യക്തമാക്കിയത്.
ഫേയ്സ് ബുക്ക് പോസ്റ്റ്:
പ്രവാസി നിക്ഷേപങ്ങളെ സംസ്ഥാനത്തേക്ക് ആകര്ഷിക്കുവാന് സഹായകമായ നോര്ക്ക ബിസിനസ്സ് ഫെസിലിറ്റേഷന് സെന്റര് ഉദ്ഘാടനം ചെയ്തു. കേരളത്തിലെ വ്യവസായ സംരംഭക സാദ്ധ്യതകള് സംരംഭകര്ക്ക് മുമ്പില് അവതരിപ്പിച്ച് സംരംഭങ്ങള് തുടങ്ങാനുള്ള സാഹചര്യം ഒരുക്കുകയാണ് സെന്റര് കൊണ്ട് ഉദ്ദേശിക്കുന്നത്. സംരംഭങ്ങള് തുടങ്ങാനുളള സാങ്കേതികവും സാമ്പത്തികവുമായ സഹായവും ഉപദേശവും സെന്റര് ഒരുക്കും. പൊതുമേഖലാ ബാങ്കുകള്, സിഡ്കോ, കിന്ഫ്ര, കെഎസ്ഐഡിസി, കെഎഫ്സി തുടങ്ങിയ പൊതുമേഖല സ്ഥാപനങ്ങളുടെ നിക്ഷേപസംബന്ധമായ സേവനങ്ങള് സംയോജിപ്പിച്ച് പ്രവാസികളിലേയ്ക്ക് എത്തിക്കുന്നതിനുളള നടപടികളും എന്ബിഎഫ്സി മുഖേന സ്വീകരിക്കും.
തിരികെയെത്തിയ പ്രവാസികള്ക്ക് സ്വയം തൊഴില് സംരംഭം ആരംഭിക്കുന്നതിന് നടപ്പാക്കുന്ന പ്രവാസി പുനരധിവാസ പദ്ധതി വിപുലപ്പെടുത്തുന്നതിന്റെ ധാരണാപത്രവും ചടങ്ങില് കൈമാറി. ഫെഡറല് ബാങ്കുമായും കേരളാ ഫിനാന്ഷ്യല് കോര്പ്പറേഷനുമായുമാണ് നോര്ക്ക റൂട്ട്സ് ധാരണാ പത്രം ഒപ്പുവെച്ചത്. ഇതോടെ 10 ഓളം ധനകാര്യ സ്ഥാപനങ്ങളുടെ 4,000ല് പരം ശാഖകളിലൂടെ പുനരധിവാസ പദ്ധതിയുടെ വായ്പ സേവനം പ്രവാസികള്ക്ക് ലഭ്യമാകും. ഫെഡറല് ബാങ്കിന്റെ ഗള്ഫ് രാജ്യങ്ങളിലെ ശാഖകളിലൂടെയും കേരള ഫിനാന്ഷ്യല് കോര്പ്പറേഷനിലെ ശാഖകളിലൂടെയും പദ്ധതിയുടെ വിശദാംശങ്ങള് ലഭിക്കും.