തിരുവനന്തപുരം: കേരള സാഹിത്യ അക്കാദമി ആസ്ഥാനത്തേയ്ക്ക് അതിക്രമിച്ചു കയറി മലയാളത്തിന്റെ സാംസ്കാരിക വ്യക്തിത്വങ്ങളെ അധിഷേപിക്കാനും, അസഭ്യം പറയാനും മുതിര്ന്ന കോണ്ഗ്രസ്സ് രാഷ്ട്രീയ ശൈലി പുരോഗമന സമൂഹത്തിന് ചേര്ന്നതല്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്.
കാസര്കോഡ് സംഭവത്തെ കേരളത്തിലെ പുരോഗന സമൂഹം ഒറ്റക്കെട്ടായി അപലപിച്ചതും പ്രതിഷേധിച്ചതുമാണ്. എന്നിട്ടും പ്രകോപനമുണ്ടാക്കുകയെന്ന ദുരുദ്ദേശത്തോടെയാണ് കോണ്ഗ്രസ്സിന്റെ സാഹിത്യ അക്കാദമി അതിക്രമമെന്നും സാംസ്കാരിക പ്രവര്ത്തകരെ ഭീഷണിപ്പെടുത്തിയും ഭയപ്പെടുത്തിയും വായനശാലകളും ഗ്രന്ഥശാലകളും തീയിട്ടും, തകര്ത്തും എന്ത് സന്ദേശമാണ് കോണ്ഗ്രസ്സ് സമൂഹത്തിന് നല്കുന്നതെന്ന് ആലോചിക്കണമെന്നും കോടിയേരി പ്രസ്താവനയില് പറഞ്ഞു.