കണ്ണൂര്: കണ്ണൂര് അന്താരാഷ്ട്ര വിമാനത്താവളത്തിലേക്കും തിരിച്ചും കെഎസ്ആര്ടിസി സര്വ്വീസ് തുടങ്ങുന്നുവെന്ന് റിപ്പോര്ട്ടുകള്. കണ്ണൂര്, പയ്യന്നൂര്, കാഞ്ഞങ്ങാട്, കാസര്കോട്, ബത്തേരി, മാനന്തവാടി, വടകര, താമരശ്ശേരി, കോഴിക്കോട് എന്നീ ഡിപ്പോകളില് നിന്നുമാണ് വിമാനത്താവളത്തിലേക്ക് സര്വീസ് തുടങ്ങാന് സാധ്യത.
ഇതിനു മുന്നോടിയായി ഡിപ്പോകള്ക്ക് വിമാനത്തിന്റെ സമയക്രമം അറിയിച്ച് കത്തുനല്കിയതായാണ് വിവരം. തുടര്ന്ന് സാധ്യതാപഠനം നടത്തിയ ശേഷമാകും സര്വീസ് തുടങ്ങുന്നത് സംബന്ധിച്ച് ഔദ്യോഗിക പ്രഖ്യാപനം. നിലവില് കണ്ണൂരില്നിന്ന് ഒരു സര്വീസ് മാത്രമാണുള്ളത്.