കോഴിക്കോട്: താമരശേരിയില് തെരുവ് നായയുടെ കടിയേറ്റ് കുട്ടികള് ഉള്പ്പെടെ ഒന്പതുപേര്ക്ക് പരിക്ക്. തച്ചംപൊയില്, അവേലം, വാപ്പനാംപൊയില്, ചാലക്കര കെടവൂര് പ്രദേശങ്ങളിലാണ് തെരുവ് നായ ഭീതി പരത്തിയത്.
പൂനൂര് അവേലം പള്ളിത്താഴത്ത് ഹബീബ്(26), കെടവൂര് പൂതര്പൊയില് സുഭാഷിന്റെ ഭാര്യ സുജല, മകള് ദേവനന്ദന(10), നടുക്കണ്ടിയില് രാധാകൃഷ്ണന്(62), തച്ചംപൊയില് ചാലക്കര സ്വദേശികളായ സുബൈദ(40), അഫ്നാന്(12), വിശാഖ്(3), കോരങ്ങാട് വാപ്പനാംപൊയില് സ്വദേശികളായ കാര്ത്തി(51), ഷിനു എന്നിവര്ക്കാണ് പരുക്കേറ്റത്.
ഇവരെ താമരശ്ശേരി താലൂക്ക് ആശുപത്രിയില് പ്രാഥമിക ചികിത്സ നല്കിയ ശേഷം വിദഗ്ധ ചികിത്സക്കായി കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു.
നായ മുന്നില് കണ്ടവരെയെല്ലാം ആക്രമിക്കുന്നതോടെ നാട്ടുകാര് വീടിന് പുറത്തിറങ്ങാന് ഭയക്കുന്ന സാഹചര്യമുണ്ടായി. അവസാനം തെരുവ് നായയെ നാട്ടുകാര് അടിച്ചു കൊല്ലുകയായിരുന്നു.