തൃശൂര്: ലോക്സഭാ തെരഞ്ഞെടുപ്പിലെ സ്ഥാനാര്ത്ഥി ചര്ച്ചകള് പുരോഗമിക്കുന്നതിനിടെ തൃശൂര് ഡിസിസി ഓഫീസിന് മുന്നിലും നഗരത്തിലും സേവ് കോണ്ഗ്രസ് ഐയുടെ പേരില് വ്യാപക പോസ്റ്ററുകള് പ്രത്യക്ഷപ്പെട്ടു. പോസ്റ്ററിലുള്ളത് തൃശൂര് പാര്ലമെന്റ് സീറ്റില് വരത്തനും വേണ്ട വയസനും വേണ്ട എന്നാണ്.
തൃശൂരിലെ കോണ്ഗ്രസ് പ്രവര്ത്തികര്ക്കിടയില് കുറേ കാലങ്ങളായി തൃശൂരിന് പുറത്ത് നിന്നുള്ളവരെ മാത്രം സ്ഥാനാര്ത്ഥികളായി വരുന്നതില് വന് പ്രതിഷേധങ്ങളുണ്ടായിരുന്നു. ഈ പോസ്റ്ററുകള് പ്രതിഷേധങ്ങളുടെ ഭാഗമായിട്ടാണ് എന്നാണ് സൂചന.
തൃശൂര് ഡിസിസി ഓഫീസിന് മുന്നിലും നഗരത്തിന്റെ വിവിധ ഭാഗങ്ങളിലുമായി പോസ്റ്റുകള് പ്രത്യക്ഷപ്പെട്ടത് ഇന്ന് രാവിലെയാണ്. പിന്നീട് കോണ്ഗ്രസ് പ്രവര്ത്തകര് ഈ പോസ്റ്ററുകള് കീറി കളഞ്ഞു. എന്നാല് ഒരു വിഭാഗം പ്രവര്ത്തകര് ആരോപിക്കുന്നത് സീറ്റിന് വേണ്ടി അണിയറ പ്രവര്ത്തനം നടത്തുന്നവരാണ് പോസ്റ്ററിന് പിന്നിലെന്നാണ്.