പത്തനംതിട്ട: സന്നിധാനത്ത് മാധ്യമപ്രവര്ത്തകരെ കടത്തിവിടുന്നതില് അനിശ്ചിതത്വം തുടരുന്നു. പമ്പയിലേക്ക് കടത്തിവിട്ട മാധ്യമപ്രവര്ത്തകരെ എട്ടുമണിമുതല് സന്നിധാനത്തേക്ക് കയറ്റിവിടുമെന്നാണ് നേരത്തേ അറിയിച്ചിരുന്നത്. എന്നാല് ഇതില് അനിശ്ചിതത്വം തുടരുകയാണ്.
നേരത്തേ മാധ്യമങ്ങളെ പമ്പയിലേക്ക് കടത്തിവിടുന്നില്ലെന്ന് പരാതി ഉയര്ന്നതോടെ ഡിജിപിയും മന്ത്രി കടകംപള്ളി സുരേന്ദ്രനും മാധ്യമങ്ങള്ക്ക് വിലക്കില്ലെന്ന് വ്യക്തമാക്കിയിരുന്നു.
എന്നാല്, ഇന്നലെ രാത്രി 8.30 ഓടെയാണ് പമ്പയിലേക്ക് മാധ്യമങ്ങളെ പോവാന് അനുവദിച്ചത്. ത്രിവേണി പാലം മുതല് മാധ്യമപ്രവര്ത്തകരുടെ വാഹനങ്ങള് പോലീസ് തടഞ്ഞിരുന്നു. അതേസമയം സന്നിധാനത്തും പമ്പയിലും പോലീസ് സുരക്ഷ ശക്തമാക്കിയിട്ടുണ്ട്.
രണ്ട് എഡിജിപിമാരുടെ നേതൃത്വത്തില് 2300 പോലീസുകാരെയാണ് ഇതുവരെ വിന്യസിച്ചിട്ടുള്ളത്. മരക്കൂട്ടം മുതല് സന്നിധാനം വരെ 1200 ല് അധികം പോലീസുകാരുണ്ടാകും.