കോട്ടയം: ശബരിമലയില് മാധ്യമപ്രവര്ത്തകര്ക്ക് വിലക്ക് ഏര്പ്പെടുത്തിയതിനെതിരെ മുതിര്ന്ന കോണ്ഗ്രസ് നേതാവ് ഉമ്മന് ചാണിട രംഗത്ത്. വിലക്ക് ഏര്പ്പെടുത്തിയതിനു പിന്നില് സര്ക്കാര് ഒത്തുകളിക്കുകയാണെന്ന് അദ്ദേഹം തുറന്നടിച്ചു. സര്ക്കാരിന്റെ രഹസ്യ അജണ്ടകള് നടപ്പാക്കേണ്ട സ്ഥലമല്ല ശബരിമലയെന്നും ഉമ്മന്ചാണ്ടി പറഞ്ഞു. ഒരു പാര്ട്ടി പാര്ട്ടിയുടെ ആശയങ്ങളും നയങ്ങളും അടിച്ചേല്പ്പിക്കുകയല്ല ചെയ്യേണ്ടത്.
ഇത്തരത്തില് മുന്നോട്ട് പോയാല് സര്ക്കാര് വലിയ വില നല്കേണ്ടി വരും. അടിയന്തരാവസ്ഥ കാലത്ത് മാധ്യമങ്ങളെ വിലക്കിയത് ശരിയായ നടപടിയായിരുന്നില്ല. പൊതു പ്രവര്ത്തകരും ഭരണസംവിധാനങ്ങളും എപ്പോഴും വിമര്ശനങ്ങള്ക്ക് വിധേയരായിരിക്കണം. തെറ്റും ശരിയും തിരിച്ചറിയാനുള്ള അവസരം ജനങ്ങള്ക്കുണ്ടാകണം.
അതിന് മാധ്യമങ്ങളുടെ സാന്നിധ്യവും ഇടപെടലും വളരെ പ്രാധാന്യമര്ഹിക്കുന്നതാണ്. ശബരിമല ഒരു പൊതുസ്ഥലമാണ്. ലക്ഷക്കണക്കിന് ആളുകള് വരുന്ന സ്ഥലമാണ്. അവിടെ മാധ്യമങ്ങളുടെ സാന്നിധ്യം ആവശ്യമാണെന്നും ഉമ്മന്ചാണ്ടി വ്യക്തമാക്കി.