തിരുവനന്തപുരം: ശബരിമല വിഷയത്തില് അക്രമത്തിന് ആഹ്വാനം ചെയ്ത രാഹുല് ഇശ്വറിനെ അറസ്റ്റ് ചെയ്ത നടപടിയെ സ്വാഗതം ചെയ്ത് കോണ്ഗ്രസ് എംഎല്എ വിടി ബല്റാം. കോണ്ഗ്രസ് വര്ക്കിങ് പ്രസിഡന്റായ കെ സുധാകരന് ഉള്പ്പടെയുള്ള കോണ്ഗ്രസ് നേതാക്കന്മാര് രാഹുല് ഈശ്വറിന്റെ അറസ്റ്റിനെതിരെ രംഗത്തെത്തിയ സാഹചര്യത്തിലാണ് ബല്റാമിന്റെ പ്രതികരണം. ഫേസ്ബുക്ക് പോസ്റ്റിലൂടെയാണ് അറസ്റ്റിനെ സ്വാഗതം ചെയ്തത്.
രക്തം വീഴ്ത്തിയും മൂത്രമൊഴിച്ചും പരിപാവനമായ സന്നിധാനത്ത് അശുദ്ധി വരുത്താനും കലാപം സൃഷ്ടിക്കാനും ഗൂഡാലോചന നടത്തിയ ആര്എസ്എസ് ക്രിമിനലുകളെ നിലക്കുനിര്ത്തേണ്ടത് സംസ്ഥാന ഭരണകൂടത്തിന്റെ ഉത്തരവാദിത്തമാണെന്നും ബല്റാം കുറിച്ചു. ആരുടേയെങ്കിലും രോമത്തില് തൊടരുത് എന്നതല്ല, ഇതുപോലുള്ള എല്ലാ രോമങ്ങളേയും പിടിച്ച് അകത്തിടണമെന്ന് തന്നെയാണ് യഥാര്ത്ഥ കോണ്ഗ്രസുകാരുടെയും യഥാര്ത്ഥ അയ്യപ്പഭക്തരുടേയും ആവശ്യം. കോണ്ഗ്രസ് വിശ്വാസികള്ക്കൊപ്പമാണ്, കലാപകാരികള്ക്കൊപ്പമല്ലെന്നും ബല്റാം കൂട്ടിച്ചേര്ത്തു.
ഫേസ്ബുക്ക് പോസ്റ്റിന്റെ പൂര്ണ്ണ രൂപം;
രക്തം വീഴ്ത്തിയും മൂത്രമൊഴിച്ചും പരിപാവനമായ സന്നിധാനത്ത് അശുദ്ധി വരുത്താനും കലാപം സൃഷ്ടിക്കാനും ഗൂഡാലോചന നടത്തിയ ആര്എസ്എസ് ക്രിമിനലുകളെ നിലക്കുനിര്ത്തേണ്ടത് സംസ്ഥാന ഭരണകൂടത്തിന്റെ ഉത്തരവാദിത്തമാണ്.
ആരുടേയെങ്കിലും രോമത്തില് തൊടരുത് എന്നതല്ല, ഇതുപോലുള്ള എല്ലാ രോമങ്ങളേയും പിടിച്ച് അകത്തിടണമെന്ന് തന്നെയാണ് യഥാര്ത്ഥ കോണ്ഗ്രസുകാരുടെയും യഥാര്ത്ഥ അയ്യപ്പഭക്തരുടേയും ആവശ്യം. കോണ്ഗ്രസ് വിശ്വാസികള്ക്കൊപ്പമാണ്, കലാപകാരികള്ക്കൊപ്പമല്ല.