തിരുവനന്തപുരം: ഔദ്യോഗികമായി ഉദ്ഘാടനം ചെയ്ത് പ്രവര്ത്തനം ആരംഭിക്കാത്ത കണ്ണൂര് വിമാനത്താവളത്തില് അമിത്ഷാ എത്തിയ വാര്ത്ത തന്നെ അത്ഭുതപ്പെടുത്തിയെന്ന് മന്ത്രി എംഎം മണി. ഫേസ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം.
കണ്ണൂര് വിമാനത്താവളം ഉദ്ഘാടനം ചെയ്ത് പ്രവര്ത്തനം തുടങ്ങിയിട്ടില്ല. അപ്പോള്, സര്ക്കാരിന്റെ ഔദ്യോഗിക സ്ഥാനങ്ങള് ഒന്നും വഹിക്കാത്ത ഒരാളായിട്ടു പോലും ഉദ്ഘാടനത്തിന് മുമ്പ് അമിത് ഷായ്ക്ക് അനുമതി കൊടുത്തെങ്കില് അത്ഭുതകരമാണെന്ന് അദ്ദേഹം കുറിച്ചു.
ഇത് ബിജെപി ഭരണത്തിന്റെ കീഴില് നടക്കുന്ന വഴിവിട്ട കാര്യങ്ങളുടെ ചെറിയ ഉദാഹരണം മാത്രമാണെന്നും അദ്ദേഹം കൂട്ടിച്ചേര്ത്തു. കണ്ണൂര് വിമാനത്താവളത്തില് ബിജെപിയുടെ അഖിലേന്ത്യ പ്രസിഡന്റ് ശ്രീ. അമിത് ഷാ വിമാനത്തില് ഇറങ്ങുന്നുവെന്ന്. ഇത് കേട്ടപ്പോള് അത്ഭുതം തോന്നിയെന്നും അദ്ദേഹം പറയുന്നു.
ഫേസ്ബുക്ക് പോസ്റ്റിന്റെ പൂര്ണ്ണ രൂപം;
#അത്ഭുതകരമായ #വാര്ത്ത.
കണ്ണൂര് വിമാനത്താവളത്തില് ബി.ജെ.പി.യുടെ അഖിലേന്ത്യ പ്രസിഡന്റ് ശ്രീ. അമിത് ഷാ വിമാനത്തില് ഇറങ്ങുന്നുവെന്ന് . ഇത് കേട്ടപ്പോള് അത്ഭുതം തോന്നി. എന്തെന്നാല്, വിമാനത്താവളം ഉദ്ഘാടനം ചെയ്ത് പ്രവര്ത്തനം തുടങ്ങിയിട്ടില്ല. അപ്പോള്, സര്ക്കാരിന്റെ ഔദ്യോഗിക സ്ഥാനങ്ങള് ഒന്നും വഹിക്കാത്ത ഒരാളായിട്ടു പോലും ഉദ്ഘാടനത്തിന് മുമ്പ് അമിത് ഷായ്ക്ക് അനുമതി കൊടുത്തെങ്കില് അത്ഭുതകരമാണ്. ഇത് ബി.ജെ.പി. ഭരണത്തിന്റെ കീഴില് നടക്കുന്ന വഴിവിട്ട കാര്യങ്ങളുടെ ചെറിയ ഉദാഹരണം മാത്രം