തിരുവനന്തപുരം: തിരുവനന്തപുരം ജില്ലയില് കെഎസ്ആര്ടിസി ജീവനക്കാര് മിന്നല് പണിമുടക്ക് പ്രഖ്യാപിച്ചു. സമരത്തെ തുടര്ന്ന് തിരുവനന്തപുരം ഡിപ്പോയില് നിന്നുള്ള എല്ലാ സര്വ്വീസുകളും നിര്ത്തിവെച്ചു. ഇതോടെ യാത്രികരും ദുരിതത്തിലായി.
റിസര്വേഷന് കൗണ്ടര് ജോലി കുടുംബശ്രീയെ ഏല്പ്പിക്കുന്നതില് പ്രതിഷേധിച്ചാണ് സമരം. സംയുക്ത തൊഴിലാളി യൂണിയന്റെ നേതൃത്വത്തിലാണ് സമരം. വിഷയത്തില് സംയുക്ത തൊഴിലാളി യൂണിയന് തിരുവനന്തപുരം കെഎസ്ആര്ടിസി സ്റ്റേഷനില് നടത്തിയ ഉപരോധ സമരത്തില് നേരിയതോതില് സംഘര്ഷമുണ്ടായി.
കുടുംബശ്രീ ജീവനക്കാര് കൗണ്ടറുകളിലേക്ക് പ്രവേശിക്കുന്നത് തടയാനായി കൗണ്ടറുകള്ക്ക് മുന്നിലാണ് ഇവര് സമരം നടത്തിയത്. തുടര്ന്ന് പോലീസ് ഇവരെ അറസ്റ്റ് ചെയ്ത് നീക്കാനുള്ള ശ്രമമാണ് സംഘര്ഷത്തിന് കാരണമായത്. വിഷയത്തില് ഇന്ന് ഗതാഗത മന്ത്രി തൊഴിലാളി യൂണിയന് നേതാക്കന്മാരെ കാണുമെന്ന് പ്രഖ്യാപിച്ചിരുന്നു.