കൊച്ചി: ശബരിമലയിലെ സ്ത്രീപ്രവേശനത്തെ അനുകൂലിച്ചുള്ള സുപ്രീംകോടതി വിധിയുടെ പശ്ചാത്തലത്തില് ശബരിമലയില് പോകാനൊരുങ്ങുന്ന സ്ത്രീകളെ ബിജെപി തടയില്ലെന്ന് ബിജെപി സംസ്ഥാന ജനറല് സെക്രട്ടറി എംടി രമേശ്. പക്ഷേ ഹിന്ദുവിശ്വാസികളായ സ്ത്രീകളാരും ശബരിമലയില് പോകുമെന്നു തോന്നുന്നില്ലെന്നും അദ്ദേഹം കൂട്ടിച്ചേര്ത്തു.
അവിശ്വാസികളെ ക്ഷേത്രത്തിലെത്തിക്കാന് അത്യധ്വാനം ചെയ്യുന്ന സര്ക്കാര് ആദ്യം വിശ്വാസികളായ ഹിന്ദുക്കള്ക്കു ശബരിമലയില് പോയി തൊഴാന് സൗകര്യമൊരുക്കണമെന്നും രമേശ് ആവശ്യപ്പെട്ടു. പമ്പയിലെ ഇന്നത്തെ അവസ്ഥ വിശ്വാസികള്ക്കു സൗകര്യമായി ദര്ശനം നടത്തിവരാവുന്ന രീതിയിലല്ല. കേന്ദ്രസര്ക്കാര് ഓര്ഡിനന്സു വഴി ശബരിമലയെ ദേശീയ തീര്ഥാടന കേന്ദ്രമായി പ്രഖ്യാപിക്കണമെന്ന ആവശ്യമൊന്നും നടപ്പാകുന്ന കാര്യമല്ലെന്നും എംടി രമേശ് പറഞ്ഞു.