തനിക്കെതിരേ വന്ന മീ ടൂ ആരോപണത്തില് എംഎല്എയും നടനുമായ മുകേഷിന്റെ ആദ്യ പ്രതികരണം ഇങ്ങനെ…
‘ഈ ടെലിവിഷന് ഷോ വര്ഷങ്ങള്ക്ക് മുന്പ് നടന്നതാണ്. ഈ ആരോപണത്തെക്കുറിച്ച് അറിയില്ല. ടെസ് ജോസഫ് എന്ന പെണ്കുട്ടിയെക്കുറിച്ചുള്ള ഓര്മ്മ പോലുമില്ല. എന്തുകൊണ്ട് ഇത്രയുംനാള് ആരോപണം ഉയര്ത്തിയില്ല? ഇവരൊക്കെ ഉറക്കമായിരുന്നോ? എനിക്ക് ഒന്നും പറയാനില്ല. നിങ്ങള് എന്താണെന്ന് വച്ചാല് ചെയ്തോ. വേണമെങ്കില് സുപ്രീം കോടതിയെ സമീപിച്ചോ’
കാസ്റ്റിങ് ഡയറക്ടറായ ടെസ് ജോസഫ് എന്ന യുവതിയാണ് മുകേഷ് മോശമായി പെരുമാറിയെന്ന് വെളിപ്പെടുത്തിയത്. സംഭവം നടന്നത് 19 വര്ഷം മുമ്പത്തെ കോടീശ്വരന് പരിപാടിക്കിടെയാണെന്നും അന്ന് തനിക്ക് 20 വയസായിരുന്നുവെന്നും ടെസ് ജോസഫ് പറയുന്നു.
നിരന്തരം ഫോണ് വിളികള് വന്നതിനെ തുടര്ന്ന് അന്ന് തന്റെ മേധാവിയായ, ഇപ്പോള് തൃണമൂല് കോണ്ഗ്രസ് എംപിയായ ഡെറിക്ക് ഒബ്രിയാനോട് പറയുകയും അദ്ദേഹം അത് പരിഹരിക്കുകയും ചെയ്തു. അദ്ദേഹത്തിനോട് നന്ദിയുണ്ടെന്നും ടെസ് പറയുന്നു. അതേ സമയം ഡെറിക്ക് ഒബ്രയാന് സംഭവത്തില് പ്രതികരണമൊന്നും നടത്തിയില്ലെന്നാണ് റിപ്പോര്ട്ട്. ട്വിറ്ററിലൂടെയാണ് ടെസ് ജോസഫിന്റെ ആരോപണം.