ഇടുക്കി: ഇടുക്കി, മലപ്പുറം ജില്ലകളില് പ്രഖ്യാപിച്ച റെഡ് അലര്ട്ട് പിന്വലിച്ചു. ന്യൂനമര്ദ്ദം വടക്ക് പടിഞ്ഞാറ് ഭാഗത്തേക്ക് നീങ്ങുന്ന സാഹചര്യത്തിലാണ് ഈ തീരുമാനം. അതേസമയം, ഇടുക്കി അണക്കെട്ട് വീണ്ടും തുറന്നു. ചെറുതോണി അണക്കെട്ടിന്റെ ഒരു ഷട്ടറാണ് തുറന്നത്. എന്നാല് അണകെട്ട് തുറന്നതിന്റെ ആശങ്കകള് നിലനില്ക്കുന്നുണ്ട്.
സെക്കന്റില് 50 ഘന മീറ്റര് വെള്ളമാണ് ഒഴുക്കി വിടുന്നത്. അതിതീവ്ര മഴ മുന്നറിയിപ്പിനെ തുടര്ന്നാണ് ജലനിരപ്പ് നിയന്ത്രിക്കുന്നതിനായി ഇടുക്കി ചെറുതോണി അണക്കെട്ട് തുറന്നത്. ഇടുക്കി അണക്കെട്ടിലേക്കുള്ള നീരൊഴുക്ക് വര്ദ്ധിച്ചതിനെ തുടര്ന്നാണ് വീണ്ടും ഡാം തുറക്കാന് തീരുമാനമായത്.
ചെറുതോണി അണക്കെട്ടിന്റെ മധ്യത്തിലെ ഷട്ടറാണ് തുറന്നത്. മഴശക്തമാകുന്നതിന് മുമ്പ് അണക്കെട്ട് തുറന്നാല് ജലനിരപ്പ് നിയന്ത്രിക്കാമെന്നാണ് കണക്ക് കൂട്ടല്. അടുത്ത ദിവസങ്ങളിലെല്ലാം ഇടുക്കിയില് കനത്ത മഴയുണ്ടാകുമെന്നാണ് കാലാവസ്ഥ മുന്നറിയിപ്പ് നല്കിയിരിക്കുന്നത്.