തിരുവനന്തപുരം: ശബരിമലയില് സ്ത്രീകള്ക്ക് പ്രവേശനം നല്കികൊണ്ടുള്ള സുപ്രീംകോടതിയുടെ ചരിത്ര വിധിയെ സ്വാഗതം ചെയ്ത് ദേവസ്വം മന്ത്രി കടകംപള്ളി സുരേന്ദ്രന്. ഇനിയുള്ള തീരുമാനം ദേവസ്വം ബോര്ഡിന്റേതാണെന്നും മന്ത്രി കൂട്ടിച്ചേര്ത്തു. സുരക്ഷിതമായി സ്ത്രീകള്ക്ക് മലചവിട്ടാന് നടപടിയുണ്ടാകും. വിധി എങ്ങനെ നടപ്പാക്കണമെന്ന് ദേവസ്വം ബോര്ഡ് തീരുമാനിക്കട്ടെയെന്നും മന്ത്രി വിശദമാക്കി.
അയപ്പഭക്തന്മാരെ പ്രത്യേക വിഭാഗമായി കണക്കാക്കാനാകില്ലെന്നായിരുന്നു സുപ്രീം കോടതി വിധി. ശാരീരിക അവസഥയുടെ പേരിലുള്ള വിവേചനം ഭരണഘടനാവിരുദ്ധമെന്നും കോടതി നിരീക്ഷിക്കുകയായിരുന്നു. ഭരണഘടനയുടെ 25 വകുപ്പ് തരുന്ന അവകാശങ്ങള്ക്ക് ജൈവിക, മാനസിക ഘടകങ്ങള് തടസ്സമല്ലെന്നും കോടതി വിശദമാക്കി. ശബരിമല ക്ഷേത്രത്തിലെ ആചാരങ്ങള് സത്രീകളുടെ അവകാശങ്ങള്ക്ക് എതിരെന്ന് കോടതി വ്യക്തമാക്കി.
ഹിന്ദു സ്ത്രീകളുടെ അവകാശം നിരോധിക്കുന്ന നടപടിയാണ് ശബരിമലയിലേതെന്നും കോടതി വ്യക്തമാക്കി. സത്രീകള് ചെറുതോ പുരുഷന്മാരേക്കാള് വലുതോ അല്ലെന്ന് കോടതി വിശദമാക്കി. ഭരണഘടനയിലെ തുല്യ അവകാശം എല്ലാവര്ക്കും ഒരു പോലെ കിട്ടണമെന്നുംഭരണഘടനക്ക് അനുസൃതമായുള്ള വ്യവസ്ഥകളേ അംഗീകരിക്കാനാവൂവെന്നും കോടതി വിലയിരുത്തുകയായിരുന്നു.