വന് നാശം വിതച്ച പ്രളയത്തെ ചങ്കുറപ്പോടെ നേരിട്ടതില് യുവത്വം നല്കിയ പങ്ക് ഏറെ അഭിനന്ദനാര്ഹമാണെന്നും അവരെ ഓര്ത്ത് അഭിമാനിക്കുന്നുവെന്നും മുഖ്യമന്ത്രി തന്റെ ഫേസ്ബുക്ക് പോസ്റ്റില് പറഞ്ഞു. രാപകലില്ലാതെ രക്ഷാപ്രവര്ത്തനങ്ങളില് ഏര്പ്പെടാനും ദുരിതാശ്വാസ ക്യാമ്പുകളിലേക്ക് ആവശ്യാനുസരണം സാധനങ്ങള് എത്തിച്ചുകൊടുക്കാനും ഊണും ഉറക്കവും കളഞ്ഞ് എത്തിയവരില് ഏറെയും യുവാക്കളായിരുന്നു. ഇവരില് കൂടുതല് പേര് ക്യാമ്പസുകളില് നിന്നുള്ളവര്. നവകേരളം കെട്ടിപ്പടുക്കുന്നതില് യുവാക്കളുടെ സഹായം ഇനിയും പ്രതീക്ഷിക്കുന്നുവെന്നും അദ്ദേഹം കൂട്ടിച്ചേര്ത്തു.
മുഖ്യമന്ത്രിയുടെ ഫേസ്ബുക്ക് പോസ്റ്റിന്റെ പൂര്ണരൂപം
‘നമ്മള് അതിജീവിക്കും’. പ്രളയകാലത്ത് കേരളം ഒന്നടങ്കം ഏറ്റുപറഞ്ഞ വാചകങ്ങളാണിവ. അതിജീവനത്തിന്റെ ഓരോ ഘട്ടത്തിലും നമ്മുടെ യുവത്വം ഈ വാചകങ്ങള് ഉയര്ത്തിക്കൊണ്ടിരുന്നു. ക്യാമ്പസുകളിലെ യുവത്വം ഒരിക്കല്ക്കൂടി കൈകോര്ക്കുകയാണ്. പ്രൊഫഷണല് കോളേജുകള് ഉള്പ്പെടെ വിവിധ വകുപ്പുകളുടെയും സര്വകലാശാലകളുടെയും കീഴിലുള്ള ഉന്നത വിദ്യാഭ്യാസ സ്ഥാപനങ്ങളില് ചൊവ്വ, ബുധന് ദിവസങ്ങളില് ദുരിതാശ്വാസ ഫണ്ട് ശേഖരണം നടക്കും.
പ്രളയത്തെ നേരിടാന് നമ്മുടെ യുവത്വം വഹിച്ച പങ്ക് വലുതാണ്. രക്ഷാപ്രവര്ത്തനത്തിന് സ്വമേധയാ ഇറങ്ങിവന്നവര്, റിലീഫ് കേന്ദ്രങ്ങളിലെത്തി വിശ്രമം പോലുമില്ലാതെ സഹായിച്ചവര്, സാധനങ്ങള് ശേഖരിക്കാന് അവ ക്യാമ്പുകളില് എത്തിക്കാന് പരിശ്രമിച്ചവര്, അവരില് ഏറിയ പങ്കും ക്യാമ്പസുകളില് നിന്നെത്തിയവരായിരുന്നു. നമ്മുടെ യുവത്വം നാടിന്റെ കാവലാളായി മാറിയ സന്ദര്ഭങ്ങള്. അവരെ ഓര്ത്ത് അഭിമാനിക്കുന്നു. നവകേരളത്തിനായി ഒരിക്കല്കൂടി നിങ്ങള് അണിചേരണം. ക്യാമ്പസുകളിലെ ദുരിതാശ്വാസഫണ്ട് ശേഖരണം വിജയിപ്പിക്കണം.’