കൊല്ലം: പത്തനാപുരത്ത് കിണറ്റില് മരിച്ച നിലയില് കണ്ടെത്തിയ കന്യാസ്ത്രീയുടെ പോസ്റ്റ്മോര്ട്ടം ഇന്ന് നടക്കും. തിരുവനന്തപുരം മെഡിക്കല് കോളേജിലാണ് പോസ്റ്റ്മോര്ട്ടം നടക്കുക.
ആത്മഹത്യയാണ് പ്രാഥമിക നിഗമനമെങ്കിലും മരണത്തിലെ അസ്വാഭാവികത സംബന്ധിച്ച് കൂടുതല് അന്വേഷിക്കാനാണ് പോലീസ് തീരുമാനം. സംഭവത്തില് അന്വേഷണ സംഘം ഇന്ന് കൂടുതല് പേരുടെ മൊഴി രേഖപ്പെടുത്തും. മഠത്തില് നിന്ന് ശേഖരിച്ച സിസ്റ്റര് സൂസണ് മാത്യുവിന്റെ മുടിയിഴകളും രക്തക്കറയും ശാസ്ത്രീയ പരിശോധനയ്ക്ക് അയക്കും.